سەرچاوەیەکی فەلەستینی بە سکای نیوزی ڕاگەیاند، بزوتنەوەی حەماس لە کاتی دانوستانی ناڕاستەوخۆی لەگەڵ  ئیسرائیل بە نێوەندگیری میسر لە شەرم شێخ ڕەزامەندی دەربڕیوە بە ڕادەستکردنی چەک بە دەستەیەکی میسری-فەلەستینی.

هەواڵ: KNN

ڕۆژی دوشەممەی ڕابردوش بە بەشداریی بەرپرسانی ئەمریکا و میسر و قەتەر  دانوستانەکان بۆ تاوتویکردنی پلانە 20 خاڵیەکەی دۆناڵد تڕەمپی سەرۆکی ئەمریکا بۆ کۆتایهینان بە شەڕی غەززە دەستیپێکرد.

هەمان سەرچاوەیە ئاماژەی بەوەشکردوە، حەماس داوای ئاگربەستی لە غەززە کردووە و ڕێگەش دەدات لەماوەی هەفتەیەكدا  بارمتەکان  ئازادبكرێن و لەهەمان كاتیشدا تۆنی بلێریشی وەک حاكمی غەززە ڕەتکردوە.

بڕیارە حەماس لە قۆناغی یەکەمی پلانی دۆناڵد ترەمپ، سەرۆکی ئەمریکا بۆ کۆتاییهێنان بە شەڕی غەززە، 48 بارمتەی ئیسرائیلی ئازاد بکات، بە کوژراو و زیندووەكانیانەوە.