ئێران رەتیدەکاتەوە هیچ پەیوەندییەکى بە هەوڵى کوشتنى دۆناڵد ترەمپ، سەرۆکى هەڵبژێردراوى ئەمەریکاوە هەبێت لەکاتى هەڵمەتى هەڵبژاردنەکان و دەڵێت: ئەوە کارى دوژمنانمانە.

هەواڵ:KNNC

وەزارەتى دەرەوەى ئێران، بەیانى ئەمڕۆ شەممە رایگەیاند؛ تۆمەتبارکردنى وڵاتەکەمان بە هەوڵى کوشتنى دۆناڵد ترەمپ هیچ بنەمایەکى نییە.

جەختکراوەتەوە کە ئەمە پیلانگێڕى ئیسرائیل و دوژمنانى ئێرانە تا لەڕێیەوە پەیوەندییەکانى نێوان تاران و واشنتۆن ئاڵۆز بکەن و دڵنیایش دەدەن کە تەواوى ئامڕازە رەوا و یاساییە ناوخۆیی و نێودەوڵەتییەکانیان بەکاردەهێنن تا مافى خۆیان وەربگرنەوە.



پێشتر لە بەیاننامەیەکدا وەزارەتى دادى ئەمەریکا تۆمەتى ئاڕاستەى بەرپرسێکى سوپاى پاسدارانى ئێران کرد بە راسپاردنى چەند کەسێک بۆ دانانى پیلان و چاودێریکردنى دۆناڵد ترەمپ و دواتریش هەوڵدان بۆ کوشتنى لە هەڵمەتى هەڵبژاردنەکان کە بوە هۆى برینداربونێکى سوکى ترەمپ لەوکاتەدا.