ئه‌ندامێكی ئه‌نجومه‌نی نوێنه‌رانی عێراق ئاشكرایدەكات؛ بەمەبەستی بەدواداچون بۆ ده‌ستكاریكردنی خشته‌ی بودجه‌ی ساڵەكانی (2024 و 2025) كه‌ له‌لایه‌ن حكومه‌ته‌وه‌  بۆ په‌رله‌مان نێردراوه‌، واژۆیان كۆكردۆته‌وه‌ بۆئه‌وه‌ی بڕگه‌یه‌ك بۆ كۆبونه‌وه‌ زیاد بكرێت.

هەواڵ: (KNNC)


محه‌مه‌د زیادی ئه‌ندامی ئەنجومەنی نوێنەرانی عێراق رایگه‌یاند: ئەنجومەنی وەزیران نوسراوێكی ئاڕاستەی  ئه‌نجومه‌نی نوێنه‌ران كردوە و كە تیایدا هاتوە؛ خشتەكانی بودجه‌ كه‌ له‌لایه‌ن ئەندامانەوە‌ ده‌نگی له‌سه‌ردراوه‌،  جیاوازه‌ له ئە‌و خشتانه‌ی كه‌ حكومەت بۆ ئەنجومەنی نوێنەرانی ناردوە، بۆیە نوسراوەكە كه‌شێكی سه‌رلێشێواوی له‌نێوان ئەنجومەنی نوێنەران و ئەنجومەنی وەزیران دروستكردوه‌.


ئاماژەی بۆ ئەوەشكردوە، به‌مه‌به‌ستی گفتوگۆكردن له‌سه‌ر ئه‌و پرسه‌ ئەندامانی ئەنجومەنی نوێنەرانی عێراق واژۆیان كۆكردوەتەوە بڕگه‌یه‌ك بۆ كۆبونه‌وه‌ی په‌رله‌مان زیاد بكرێت، بۆ ئەوەی بەدواداچون بۆ ناكۆكی نێوان په‌رله‌مان و حكومه‌ت سه‌باره‌ت به‌ خشته‌كان بكرێت.


پێشتر ئه‌نجومه‌نی وه‌زیرانی عێراق نوسراوێكی لەسەر هەبونی جیاوازی بنەڕەتی لەنێوان ئەو خشتانەی لەلایەن حكومەتەوە بۆ پەرلەمان نێردراون لەگەڵ ئەو خشتانەی دەنگی لەسەر دراوە، ناردوە و داوایكردو كە لێكۆڵینه‌وه‌ له‌و ده‌ستكاریی كردنە بكرێت.