كەركوك؛ ژنێك هاوسەرەكەی خۆی دەكوژێت

12:54 - 10/08/2018
کوردستان

لە كەركوك ژنێك هاوسەرەكەی دەكوژێت و هێزە ئەمنیەكانی چەمچەماڵیش دەستگیری دەكەن.

عەمید ئەفراسیاو كامل وتەبێژی پۆلیسی كەركوك بە KNN ی راگەیاند زانیاریان پێدراوە بەبوونی تەرمێك لەناو ماڵێكدا لەگەرەكی ئازادی شاری كەركوك و دوای گەیشتنی  هێزەكانیان تەرمی گەنجێكیان دۆزیوەتەوە، كە شوێنی گوللە بەجەستەیەوە دیاربووە.

وتەبێژی پۆلیسی كەركوك وتیشی گەنجەكە هاوسەری هەبووە و هاوسەرەكەشی ماڵی جێهێشتوە، ئەوانیش ژووری عەمەلیاتی هێزە ئەمنیەكانی سلێمانیان ئاگادار كردۆتەوە و بەهۆیەوە دوای چەندكاتژمێرێك هاوسەرەكەی لەچەمچەماڵ دەستگیراوە.

وتەبێژی پۆلیسی كەركوك وتیشی دوای لێكۆڵینەوە تۆمەتبارەكە دانی بەتاوانەكەیدا ناوە، و دەمانچە و حەربەیەكیشی پێوەگیراوە كە لەتاوانەكەدا بەكاری هێناون.

7213 جار خوێندراوەتەوە