باكوری كوردستان؛ گواستنەوەی گەرماوێك كێشەكەی 1500 تەنە

09:01 - 08/08/2018
هەمەڕەنگ

لە باكوری كوردستان یەكێك لە گەرماوە مێژوویەكانی ناوچەكە كە پێش سەدان ساڵ دروست كراوە، دەگوازرێتەوە بۆ شوێنێكی دیكە تا لە مەترسی نوقوم بوون ڕزگاری بكرێت.

 گەرماوی مێژووی ئارتوكلو یەكێكە لە شوێنەوارە دیارەكانی باكوری كوردستان و تەمەنی 650 ساڵە و لە نزیك كەناری ڕوباری دیجلە لەشاری باتمانی باكوری كوردست دروست كراوە، ئەوەش ناوچەكە دەكەوێتە سەر بەنداوی ئەلیسۆ.

 

بۆ ڕزگاركردنی گەرماوەكە لە ئەگەری نوقمبوون لەكاتی پڕكردنی بەنداوەكەدا بڕیاردرا بۆ ناوچەیەكی دیكەی بگوازرێتەوە كە سێ كیلۆمەتر لە شوێنە كۆنەكەیەوە دوورە.

 

گواستنەوەی گەرماوەكە لەڕێی سەكۆیەكی تایبەتەوە بوو، وە بەڕێگایەكدا كە تایبەت بۆ ئەو مەبەستە دروستكراوە، پرۆسەكەش ماوەی 6 كاتژمێری خایاند تا گەرماوەكە بە سەلامەتی و بێ هیچ كێشەیەك خرایە شوێنە نوێكە.

 

ئەم كارانەی كاربەدەستانی توركیا لەچوارچێوەی پاراستنی شوێنە گەشتیار و مێژوویەكانی ئەو وڵاتەدایە بۆ پاراستیان لە ئەگەری لەناوچوون.

1349 جار خوێندراوەتەوە