ژیانی كۆچەرییەكانی باكوری كوردستان

07:04 - 07/08/2018
هەمەڕەنگ

كۆچەرییەكانی باكوری كوردستان هاوینان دەچنە كوێستانەكانی مووش

بەشێك لە هاوڵاتیانی باكوری كوردستان هێشتا دەستبەرداری ژیانی كۆچەرییەتی نەبوون، ئەمساڵ بەشێك لە كۆچەرییەكان ڕوویان لە كوێستانەكانی پارێزگای مووش كردوە‌و بە بەرهەمی شیرو پەنیرو ماست بژێوی ژیانیان دابین دەكەن.

كۆچەرییەكانی باكوری كوردستان ساڵانە لەگەڵ وەرزی سەرما و گەرمادا كۆچڕەو دەكەن، هاوینان بۆ دابینكردنی گژوگیاو ئاو بۆ ئاژەڵەكانیان و روو لە كوێستانەكانی پارێزگای مووش دەكەن.

كۆچەرییەكان لە وەرزی بەهاردا لە شارۆچكەی كورتالان سەر بە پارێزگای سێرت بە ئاژەڵەكانیانەوە روو لە كوێستانەكانی مووش دەكەن و تا وەرزی پاییز لەوێ دەمێننەوە، ژیان و گوزەرانی سەخت سەرنجی مرۆڤ رادەكێشێت.

ئەنگین كۆچ، ماوەی 30 ساڵە كاری بەخێوكردنی ئاژەڵەو بەو بەرهەمانەی لە ئاژەڵەكان دەستیان دەكەوێت بژێوی ژیانی دەستەبەر دەكات.

"30 ساڵە روو لە كوێستانەكانی مووش دەكەین. نزیكەی شەش مانگ لێرە دەمێنینەوە و پاشان دەگەڕێینەوە بۆ سێرت. بژێوی ژیانمان ئاژەڵداریە. كارێكی دیكەمان نییە. لەبەرئەوەی مووش كەشوهەوا و ئاو و خەڵكەكەی باشن روو لێرە دەكەین. ئەگەر سەختیش بێت ئەم گوزەرانەمان هەر خۆشدەوێت".

ژنانی كۆچەری هەر لە بەیانی زوەوە دەست بەكار دەكەن و لە پاڵ ئیشوكاری ماڵ، ئەكری منداڵ بەخێوكردنیشیان لەسەرە، هەروەها هاوكاری هاوسەرەكانیشیان دەكەن.

لە كوێستانەكان كۆچەرییەكان لە رەشماڵدا ژیان بەسەر دەبەن و رۆژانە بەو شیرەی، كە دووجار لە ئاژەڵەكانیان دەیدۆشن پەنیر دروست دەكەن و دەیفرۆشن، بژێوی ژیانیان دەستەبەر دەكەن. 

 لە مانگی نیسانەوە لە مووش دەست دەكرێت بە وەرزی بەخێوكردنی ئاژەڵ لە كوێستانەكان ‌و تا كۆتایی مانگی تشرینی یەكەم بەردەوام دەبێت.

839 جار خوێندراوەتەوە