هەرێم: لیژنەیەكی لێكۆڵینەوە بۆ سزادانی ئەو كەسانە پێكهێنرا كە كۆسەرەیان لە نەشتەرگەری بەكارهێنا

06:20 - 07/08/2018
تەندروستی

بەڕێوەبەرایەتی گشتی تەندروستی هەولێر لەبارەی ئەو ڤیدیۆیەی، كە لە كاتی نەشتەرگەری كۆسەرە بەكاردێت رونكردنەوەیەكی بڵاوكردەوە، لیژنەیەكیشی پێكهێنا. 

لە رونكردنەوەیەكدا كە كۆپیەكی بۆ KNN نێردراوە، ئەو نەشتەرگەرییەی كە تێیدا ئامێری كۆسەرەی بڕین بەكاردەهێنرێت لە نەخۆشخانەی فریاكەوتنی رۆژهەڵات ئەنجامدراوە.

بەپێی بەدواداچوونه‌كانی بەڕێوەبەرایەتی گشتی تەندروستی هەولێر، كەسێك بەهۆی برینداربوونی بە ئاسنێكی درێژی بە وایەر، كە نزیكەی نیو مەتر لە دەرچەی چوونەژوورەوەی بۆ ناو ران و سمتی و هەروەها نیو مەتر لە دەرچەی هاتنەدەرەوەی گیری خواردووە، بەوەش هاوشێوەی ئامێرەكانی درێل و كۆسەرە و بڕینی تایبەت بە نەشتەرگەری شكان، ئەو كۆسەرەیە بۆ بڕینی ئاسنەكە بۆ رزگاربوونی لە زیاتر برینداربوون لەكاتی دەرهێنان بەكار دێت.

بەڕێوەبەرایەتی گشتی تەندروستی هەولێر دەڵێت: وێڕای ئەوەی مەبەست چارەسەركردن و نەشتەرگەری بووە و ئێستا باری تەندروستی نەخۆشەكە جێگرە، بەڵام لەو نەشتەرگەرییەدا كەمتەرخەمی لە رەچاوكردنی تایبەتمەندی نەخۆش بەدی دەكرێت.

لە رونكردنەوەكەدا ئاماژە بە سزادانی ئەو كەسانە كراوەو تێیدا هاتووە:"سزای تووندی ئەو كەسانەی كەمتەرخەم بوون، ئەوەش بە دوورخستنەوەیان لە كار، گواستنەوەیان، سزای كارگێڕی و رێكاری یاسایی دیكە...".

 

هەروەها لە رونكردنەوەكەدا، بەڕێوەبەرایەتی گشتی تەندروستی هەولێر ئاماژەی بە پێكهێنانی لیژنەیەكی لێكۆڵینەوە كردووە. 

 

ده‌قی رونكردنه‌وه‌كه‌:

ڤیدیۆی كاتی ئه‌نجامدانی نه‌شته‌رگه‌رییه‌كه‌:
18257 جار خوێندراوەتەوە