توخێل: كاڤانی لە پاریس سان جێرمان دەمێنێتەوە

12:14 - 31/07/2018
وەرزش

تۆماس توخێلی راهێنەری یانەی پاریس سانجێرمان داهاتووی ئیدینسۆن كاڤانی هێرشبەر یەكلایدەكانەوەو دەڵێت كاڤانی دەمێنێتەوە.

 

دوای كۆتایی هاتنی یاریی یانەكە لە جامی دۆستانەی پاڵەوانەكان بەرامبەر یانەی ئەتلەتیكۆ مەدرید، تۆماس توخێلی راهێنەری پاریس سانجێرمان لە لێدوانێكیدا رایگەیاند، ئیدینسۆن كاڤانی یاریزانی پاریس سانجێرمانەوە و لە یانەكەدا دەمێنێتەوە.

 

ئاماژەی بەوەشكرد، تا ئێستا ئەو هێرشبەرە هیچ شتێكی لەسەر رۆیشتنی لە یانەكە نەوتووە بۆیە لە پاریس دەمێنێتەوە.

 

قسەكانی توخێل لە كاتێكدایە بەشێكی زۆر لە رۆژنامەكانی فەرەنسا بڵاویانكردۆتەوە، یانەی ریاڵ مەدرید هەوڵی گواستنەوەی كاڤانی دەدات و بۆ ئەو مەبەستەش گفتوگۆی لەگەڵ بەرپرسانی یانە پاریسیەكە كردووە.

364 جار خوێندراوەتەوە