بۆمبێکی چێنراو بە ئۆتۆمبێلی فەرماندەیەکی پێشمەرگە تەقییەوە

KNN : Kurdish News Network
10:46 - 12/05/2022
کوردستان

لە ئۆپراسیۆنی ئەمڕۆى هێزەکانی ‎دژەتیرۆر و پێشمەرگە و هێزەکانی عێراق، بۆمبێکی چێنراو بە ئۆتۆمبێلی ‎جێگری لیوای 144 پێشمەرگەدا تەقییەوە.

رووداوەکە لە نێوان گوندی پەڵکانە و سالم لە سنوری نێوان خورماتوو و داوێ رویداوە کە هیچ زیانێکی گیانی نەبووە و ئۆپەراسیۆنەکەش بەردەوامە.

ئەوەش لە کاتێکدایە، سەرلەبەیانی ئەمڕۆ سوپای عێراق و هێزی پیشمەرگە و دژەتیرۆر و پۆلیسی بەرگری فریاکەوتن ئۆپراسیۆنێکی هاوبەشیان بۆ سنورەکانی گەرمیان دەستپێکرد، ئەوەش بە ئامانجی لەناوبردنی چەند مۆڵگەیەكی تیرۆرستانە  لەسنورەکە.

هەر بەپێى زانیارییەکان لەناو شاری کفری و شارۆچکەی خورماتو، مۆڵگەیەکی داعش ئاشکرابوە و بۆ ئەو مەبەستەش ئۆپراسیۆنی هاوبەشی سوپای عێراق وهێزی پێشمەرگە ئەنجام دەدرێت، بۆ لەناوبردنیان.

بەهۆی بونی بۆشایی ئەمنی لە سنورەکانی نێوان سوپای عێراق وهێزی پیشمەرگە چەندین جار تیرۆرستانی داعش کردەوەی تیرۆرستیان لەوناوچانە ئەنجامداوە.

627 جار خوێندراوەتەوە