ریاڵ مەدرید بو بە پاڵەوانى لالیگا

KNN : Kurdish News Network
08:27 - 30/04/2022
وەرزش

پێش چوار هەفتە لە تەواوبونى خولەکە، یانەى ریاڵ مەدرید بو بە پاڵەوانى ئەم وەرزەى خولى ئیسپانیا و بۆ جارى (35)ـەهەم لە مێژویدا نازناوەکەى بردەوە مۆزەخانەى یانەکە.

لە یاریەکانی هەفتەی 34ی خولی ئیسپانیا، یانەی ڕیاڵ مەدرید لە ناو یاریگای سانتیاگۆ بێرنابیۆ میوانداری لە یانەی ئیسپانیۆل کرد و یاریەکەشی بە چوار گۆڵی بێبەرامبەر لێبردەوە و نازناوی ئەم وەرزەی خولەکەشى بەدەستهێنا.

هەرچەندە چوار هەفتەماوە خولى ئیسپانیا بە کۆتابێت، بەڵام ئاستەبەرزەکەى یانەى شاهانە هۆکاربو بۆ ئەوەى پێش تەواوبونى خولەکە و گەڕانەوە بۆ ئەنجامى یارییەکانى داهاتوو، نازناوەکە بباتەوە.

کارلۆ ئەنشیلۆتى راهێنەریش توانى مێژویەکى نوێ بۆخۆى بنوسێتەوە و بو بە تاکە راهێنەر کە نازناوى پێنج خولەکەى ئەورپا لەگەڵ یانەکان بباتەوە و پێشتریش خولى ئیتاڵى و ئینگلیز و ئەڵمانى و فەرەنسى بردبویەوە.

155 جار خوێندراوەتەوە