ئەمریکا و هاوپەیمانان هۆشداری دەدەنە هەرێمی کوردستان لەسەر قەوارەی هەرێم

KNN : Kurdish News Network
09:40 - 19/04/2022
ڕاپۆرت

باڵیۆزى ئەمریکا لە دوو دانیشتنى جیادا، کۆبونەوەى لەگەڵ بەرپرسانى باڵاى یەکێتى نیشتیمانى کوردستان و پارتى دیموکراتى کوردستان کردووە، تیایدا پەیامى ئەمریکایان بەو دوو حیزبە گەیاندوە و هۆشداریی ئەوەی پێدوان ئەگەر ناکۆکییەکانیان کۆتایی پێ نەهێنن، هاوکارییەکانیان بۆ هەرێمى کوردستان دەبڕن و قەوارەى هەرێمى کوردستانیش دەکەوێتە بەر مەترسییەوە.

ماتیو تۆلەر باڵیۆزی ئەمەریکا لە عێراق، دوو کۆبوونەوەى لەگەڵ بەرپرسى یەکەمى یەکێتى و پارتى ئەنجامدا، بەپێى زانیارییەکانى کەى ئێن ئێن، لەو کۆبونەوانەدا ئەو بەرپرسەى ئەمریکا داواى رێککەوتنى لە یەکێتى و پارتى لەسەر کۆى کێشەکان و پۆستى سەرۆک کۆما کردووە.


ماتیو هۆشدارى وڵاتەکەى بە بەرپرسانى یەکێتى و پارتى گەیاندووە و پێى راگەیاندوون لە ئەگەرى رێکنەکەوتن مان و نەمانى قەوارەى هەرێم دەبێتە رۆژەف و مەترسى لەسەرتان زیاتر دەبێت. هەروەها ئەوەشى پێ راگەیاندوون، ئەگەر هۆشدارییەکە بە هەند وەرنەگرن و رێککنەکەون، هاوکارییەکانى وڵاتەکەى بۆ هێزەکانى پێشمەرگە رادەگیرێت.

پێشتر چەندین جار هۆشدارى بە بەرپرسانى کورد لە هەرێمى کوردستان درا، بەڵام جگە لە قبوڵکردنیان بۆ کۆتایی هێنان بە شەڕى ناوخۆ هۆشدارییەکانى دیکەیان بە هەند وەرنەگرت و کورد باجەکەیدا.

دیاترین ئەو هۆشداریانەى درا بە کورد، ئەنجامنەدانى ریفراندۆم بوو لەو کاتەدا، بەهۆى گوێنەدان بە هۆشدارییەکان و هەروەها کێشە ناوخۆییەکان و لەبارى دۆخەکە بۆ جوڵەى هێزەکانى عێراق، رووداوەکانى 16ى ئۆکتۆبەر رویدا و کورد لە 51%ى خاکەکەى لە دەستدا.

داواکارییەکەى ئەمجارەى ئەمریکا بۆ بڕینى هاوکارییە لۆجیستیەکان بۆ هێزەکانى پێشمەرگە نوێ نیە، بەڵکو چەندین جار پێشتر ئەم داوا و هۆشدارییەى دابوو بە گوێى بەرپرسانى هەرێم ئەوەش لە سەرەتاى کابینەى نۆی حکومەتى هەرێمەوە، بەڵام پێدەچێت ئەمجارەیان هۆشدارییەکە جدى تر بێت، گوێنەدان بە هۆشدارییەکانیش پێدەچێت کورد رووبەڕووى مەترسى بکاتەوە.


ساڵێک بەسەر ئەم هۆشدارییەى جنین تێپەڕ نەبووە، کە ماتیۆ تۆڵەر هۆشداریى وڵاتەکەى بە بەرپرسانى یەکێتى و پارتیداوە، کە هەردوکیان لەسەر ئەوە کۆکن قەوارەى هەرێمى کوردستان بەهۆى ناکۆکییەکانى یەکێتى و پارتییەوە لەبەردەم مەترسیانە، بەڵام سەربارى ئەم هۆشداریانە هەنگاوى کردارى بۆ لادانى ناکۆکییەکان نابینرێت.

چاودێرانی سیاسیش پێێان ویان وایە لەدوایی چەندین هۆشداری وئاگادار کردنەوەی وڵاتانی هاوپەیمانان  وناوچەیی وهەرێمی تائێستاش هەرێمی کوردستان هەنگاوێکی  جدی نەناوە بۆ ئەوەی ئەم هەرێمەو هاوڵاتیانی لە مەترسیە بەردەوامەکان بەدوربن.

243 جار خوێندراوەتەوە