ساڵى رابردو( 42 )هاوڵاتی بەهۆی مین و تەقەمەنییەوە بونەتە قوربانی

KNN : Kurdish News Network
01:51 - 18/01/2022
کوردستان


دەزگای گشتی كاروباری مین لە هەرێمى کوردستان رایدەگەیەنێبت، (42 )هاوڵاتی بەهۆی مین و تەقەمەنییەوە بونەتە قوربانی.

جەبار مستەفا، سەرۆکى دەزگای گشتی كاروباری مین لە هەرێمى کوردستان لە كۆنگرەیەكی رۆژنامەوانیدا رایگەیاند، لەساڵی رابردودا لە رێگەی تیمەكانی ئەوان و كۆمپانیا و رێكخراوەكانی تایبەت بە كاروباری مین (627) هەزار و (49) مەتر زەوی كوردستان لە مین پاككراونەتەوە، (2 )هەزار و (8 ) مین لەناو براون، هەزار و (928) یان دژەكەسی و (80) یان دژە تانك بون، جگە لە تەقەمەنی جۆاوجۆر.

سەرۆکى دەزگای گشتی كاروباری مین ئاماژەی بەوەشداوە، هەر ساڵی بردو (23) كێلگە و (7) شەڕگە و شوێنی پێكدانانی سوپا پاككراونەتەوە، لەگەڵ ئەوەشدا خولی هۆشیاری كراونەتەوە كە (35) هەزار و (613) كەس لێیان سودمەند بون، سەرەڕای ئەوەش بەهۆی مینەوە (42) كەس بونەتە قوربانی، كە (19) كەس گیانیان لە دەستداوە و (23)یان كەمئەندام و برینداربون.

سەرۆکى دەزگاکە رونیشیکردەوە، ئەو ژمارەیە بەراورد بە ساڵی 2020، 100% زیادی كردووە، ئێستاش (255) كیلۆمەتر چوارگۆشە لە كوردستاندا ماوە کە لە مین و تەقەمەنی پاکبکرێنەوە کە ژمارەکەیان دەگاتە سێ هەزار و(321) كێڵگە، ئەوەش هەڕەشەیە بۆسەر گیانی هاوڵاتیان.

182 جار خوێندراوەتەوە