یانزە کەس گیریانخواردووە و داواى بەهاناوەچون

KNN : Kurdish News Network
02:07 - 17/01/2022
کوردستان

(11) کەس لە کوێستنەکانى سنورى ناحیەى هێرۆى سەر بە قەزاى پشدەر، بەهۆى بەفربارین و سەختى رێگا گیریانخواردوە و داواى بەهاناەوچون دەکەن.

سەرچاوەیەکى ئاگادار لە ناحیەى هێرۆ بە دیجیتاڵ میدیاى (KNN)ىى راگەیاند، کەسەکان کە لە شەش ئۆتۆمبێلدان، لە ناوچەى گۆڕهێلکەى ناحیەى هێرۆى سەر بە قەزاى پشدەر، بەهۆى بەفربارینى زۆر و سەختى رێگاکە گیریانخواردووە و رێگایان لێگیراوە.

ئەو سەرچاوەیە وتیشى،" ئەو کەسانە هیچ خۆراک و سوتەمەنییەکیان پێنەماوەو ناشتوانن لەبەرسەختی ڕێگاکە بگەڕێنەوە بۆئەومەبەستە داوای بەهاناوەچون لەلایەنە پەیوەندیدارە کان دەکەن".

لاى خۆیەوە، محسین حسێن، بەڕێوەبەرى ناحیەى هێرۆ بە دیجیتاڵ میدیاى (KNN)ىى راگەیاند، هاوڵاتییەکان سەڵتن، ئۆتۆمبێلەکانیان پەکیان کەوتووە، چونکە لەوشوێنەی گیریانخواردوە زیاتر لە (70) سانتیمەتر، بەفرى لێباریوە.

 

پشدەر؛ خالید ئەحمەد

1237 جار خوێندراوەتەوە