بەهۆى دروستبونى لافاوەوە  لە شارى هەولێر،  جارێکى دیکە  زیان بەر هاوڵاتیانى  ئەو پارێزگایە کەوتەوە و ئاو چووە ناو ماڵ و دوکانى هاوڵاتیان.

جۆینی کەناڵی KNN بن لە تێلیگرام

پەیامنێرى (KNN) لە هەولێر ڕایگەیاند: بەرەبەیانى ئەمڕۆ، بەهۆى دروستبونى لافاوەوە، کاسبکارانى بازاڕى تەیراوا، زیانیان بەرکەوتووە و زیاتر لە(500) کاسبکار زەرەرمەند بون و ئاو چوەتە ناو ماڵى ژمارەیەک هاولاتى لە گەڕەکى زیلانى شارى هەولێر.

پارێزگارى هەولێر لەبەرەبەیانى ئەمڕۆ لە راگەیەندراوێکدا، بەهۆى دروستبونى لافاو ئاستەنگى هاتوچۆوە داواى لە هاوڵاتیان کرد هاتوچۆ سنوردار بکەن و بۆ کارى زۆر پێویست نەبێت لە ماڵەکانیاندا نەیەنە دەرەوە.

لە چەند مانگی ڕابردودا، (3)جار لافاوى گەورە لە هەولێر دروستبوەوە و تائێستاش تەرمى دانەری تەمەن (10) مانگ نەدۆزراوەتەوە، کە لە لافاوەکەى چەند مانگى ڕابردوو ئاو بردى.