سلێمانی؛ شانۆی "وەك قەقنەس دەسوتێم" نمایشدەکرێت

KNN : Kurdish News Network
09:21 - 26/11/2021
هەمەڕەنگ

لە رۆژانی یەکشەممە و دوشەممەی داھاتوودا، لە پارێزگای سلێمانی شانۆیی "وەک قەقنەس دەسوتێم" نمایشدەکرێت.

‎‏‎شانۆییەکە لە نووسینی نوسەر و شانۆكاری كورد (گەزیزە عومەر)ە و سینۆگرافیا و دەرهێنانیشی، لەلایەن نەژاد نەجمە بۆ ئەنجامدراوە.

شانۆیى "وەک قەقنەس دەسوتێم"، پێشتر لە لە چەندین پارێزگای دیکەی عێراق نمایشکراوە و خەڵاتى باشترین ئەکتەرى کچ و باشترین نمایش و چەند خەڵاتێکى دیکەى لە وڵاتانى ( تونس، میسر) بەدەستهێناوە.

وابڕیارە لە رۆژانى (28-29ى 11ى 2021) لە هۆڵى رۆشنبیرى سلێمانى نمایش بکرێت.

ئەم كارە هونەرییە لە نواندنی ژنە ئەكتەر (هەوار فارس)ـە و موزیكی كارەكە لەلایەن سیروان عومەرەوە ئامادەكراوە و دیكۆرەكەی لەلایەن بەرهەم یاسین و هونەر شەوقی و روناكیش لەلایەن عەلی نەوزاد و هۆزان شێرزادەوە ئامادەكراوە.


418 جار خوێندراوەتەوە