کلاسیکۆى زەوى؛ ئەمشەو بەڕازیل پێشوازیی لە ئەرجەنتین دەكات

KNN : Kurdish News Network
11:22 - 05/09/2021
وەرزش

لەیاری تۆڵەكردنەوەی شكستی یاریی كۆتایی كۆپا ئەمەریكا و لەسوپەر كلاسیكۆی ئەمریكای لاتین لە پاڵاوتنی مۆندیالی ساڵی (2022)ى قەتەڕ، هەڵبژاردەی بەرازیل پێشوازی لە هەڵبژاردەی ئەرجەنتین دەكات.

ئەمشەو كاتژمێر (10:00)بەكاتی هەولێر، یاریگای یانەی كۆرەنتیانز دەبێتە شانۆی بەیەكگەیشتنی هەردوو هەڵبژاردەی بەرازیل و ئەرجەنتین لە هەشتەم یاریی پاڵاوتنی مۆندیالی قەتەر.

ئەو یارییە بۆ هەڵبژاردەی بەرازیل دەبێتە یاری گەڕانەوەی شكۆ، ئەویش بەهۆی لەدەستدانی كۆپا ئەمەریكاو دۆڕاندن لەبەرامبەر میسی و هاوڕێیەكانی لەناو خاكی خۆیان و بەدیاریكراوی لەیاریگای ماراكانای بەناوبانگدا.

لەگەڵ ئەوەشدا سیلیساو بەبردنەوە لەیارییەكەداو سەركەوتن لەیاری داهاتوویدا لە بەرامبەر هەڵبژاردەی پیرۆ، دەبێتە یەكەم هەڵبژاردەی ئەمەریكای لاتین سەركەوتن بۆ مۆندیالی ساڵی (2022) یەكلادەكاتەوە، لەبەرئەوە نەیمارو هاوڕێیەكانی ئامانجیان سود وەرگرتنە لەیاریگای خۆیان ئەویش بەمەبەستی بەردەوامیدان بەزنجیرە سەركەوتنەكانیان لەیاریەكانی پاڵاوتنی مۆندیالدا.

لە بەرامبەردا هەڵبژاردەی ئەرجەنتین كە بەسەرجەم یاریزانە كاریگەرەكانیەوە لەسەروی هەموشیان لیۆنێل میسی ئەستێرەی یانەی پاریس سان جێرمان بۆ ئەو یاریە ئامادەبن، دەیانەوێت سیناریۆی یاریی كۆتایی كۆپا ئەمەریكا دوبارە بکەنەوە، بەجۆرێك لە خاكی نەوەكانی پیلیە بە سێ خاڵی گرنگ بۆ وڵاتەكەیان بگەڕێنەوە.

بەڕازیل بە کۆکردنەوەى (21) خاڵ و بە بردنەوەى حەوت یارى رابردوى پاڵاوتنەکان، پلەى یەکەمى ریزبەندى وڵاتانى ئەمەریکاى لاتینى گرتووە و بە (15) خاڵ پلەى دووەمى گرتووە.

241 جار خوێندراوەتەوە