کاریگەرییەکانی باش نەخەوتن

KNN : Kurdish News Network
08:55 - 03/09/2021
تەندروستی

خەو لە ژیانی مرۆڤدا گرنگییەكی زۆری هەیە و كاریگەرییەكەی تەواوی لەسەر ژیانی هەیە، كاریگەرییەك تەنها لەسەر وردبینی و كەمبونەوەی چالاكییەكانی نییە، بەڵكو لەسەر هەموو جەستەی، ئەوەش لەلایەن سەرچاوە پزیشكییەكانەوە جەختی لەسەر كراوەتەوە، بەجۆرێك ئەوانەی خۆیان لە خەوی پێویست بێ بەش دەكەن، هەشت نیشانەی مەترسیداریان لەسەر دەردەكەوێت.

 

 بەپێی توێژینەوەكان كەسێك لە كۆی سێ كەسی پێگەشتوو خەوی پێویستی نییە، بەو هۆیەشەوە چەند نیشانەیەكی مەترسیداریان هەیە كە ڕەنگە خۆشیان دركی پێنەكەن.

 

دیارترین ئەو نیشانانە بریتین لە:

 

ڕووداوەكان

 

بەپێی هەواڵێكی ماڵپەڕی "30 چركە"، كە پشتی بە چەند توێژینەوەیەك بەستووە، خەوتن بۆ ماوەی كەمتر لە 4 سەعات، ئەگەری توشبوون بە ڕووداوی هاتوچۆ 15 جار زیاتر دەكات.

 

تەمومژی بیر

 

 كەمخەوی دەبێتە هۆی كەمبونەوەی وردبینی و دروستبونی گرفتی لاوازبوونی بیر.

داهێنان

 خەوی زۆر و قوڵ كاریگەری لەسەر توانای مرۆڤ لەڕووی داهێنانەوە هەیە.

خەمۆكی

 
ئەوانەی خەوی پێویستیان نییە، 10 هێندە ئەگەری توشبوونیان لە خەمۆكی زیاترە بەراورد بە كەسانی ئاسایی.

بەرگری

 خەوتن بۆ ماوەی كەمتر لە شەش كاتژمێر لە شەو و ڕۆژێكدا، كۆئەندامی بەرگری لەش دادەبەزێنێت و ئەگەری توشبوون بە ئەنفلۆنزا و تا زیاتر دەبێت.

شەكرە

 كەمخەوی دەبێتە هۆی كەمبونەوەی هەستیاری ئەنسۆلین لە جەستەدا بەڕێژەی 25%، ئەوەش ئەگەری توشبوون بە نەخۆشی شەكرە زیاد دەكات.

كێشی لەش

 خەوی پێویست یەكێكە لە هۆكارە سەرەكییەكانی دابەزینی كێش، چونكە لەو ماوەیەدا هەرس ڕوودەدات و چەوری دەتوێتەوە، كەمخەویش یاری بە هۆرمۆنەكان دەكات، كرداری تێكشكانی خۆراك كەمدەكاتەوە، ئەوەش هۆكارێكە بۆ زیابودنی كێشی لەش.

دڵ

 كەمخەوی ئەگەری توشبوون بە نەخۆشییەكانی دڵ بەڕێژەی 70% زیاد دەكات

2987 جار خوێندراوەتەوە