ترەمپ لەگەڵ تێریزا مای و شاژن كۆدەبێتەوە

02:17 - 12/07/2018
جیهان

ترەمپ و هاوسەرەكەی لەسكۆتلەندا پشوی كۆتایی هەفتە بەسەر دەبەن

ئەمڕۆ دۆناڵد ترەمپ سەرۆكی ئەمریكا دەچێتە بەریتانیا


ئەمڕۆ دۆناڵد ترەمپ سەرۆكی ئەمریكا بەسەردانێك دەگاتە بەریتانیاو چاوی دەكەوێت بە تێریزا مای سەرۆك وەزیران و ئەلیزابێسی دووەم شاژنی ئەو وڵاتە.

بەپێی چەند سەرچاوەیەك بەهۆی ناڕەزایەتییەكان لەبەرامبەر حكومەتەكەی, ترەمپ ناچێتە لەندەن. بەڵكو دەچێتە ئۆكسفۆرد و لەوێ لەگەڵ سەرۆك وەزیران و شاژن كۆدەبێتەوە.

بڕیارە ترەمپ لەگەڵ تێریزا مای تاوتوێی چەند رێكەوتنێكی بازرگانیی ئازاد لەنێوان واشنتۆن و لەندەن بكەن لەدوای چونە دەرەوەی بەریتانیا لە یەكێتی ئەوروپا.

پێشتر تێریزا مای رایگەیاندبوو دەیانەوێت پەیوەندیە دۆستایەتیی و بازرگانیەكانیان لەگەڵ ئەمریكا پەرەپێبدەن.  

دوای دیدارەكانی, ترەمپ و هاوسەرەكەی دەچنە سكۆتلەنداو پشوی كۆتایی هەفتە بەسەر دەبەن.

رۆژی دووشەممە 16ی تەموزیش دەچێتە هلسنكی و لەگەڵ ڤلادیمێر پوتن سەرۆكی روسیا كۆدەبێتەوە.

65 جار خوێندراوەتەوە