ads top

ئەنجومەنی ئاسایش بەنیازە گەمارۆی ئابوری بخاتە سەر باشوری سۆدان

12:57 - 12/07/2018
جیهان

ئەنجومەنی ئاسایش بۆ سەپاندنی گەمارۆی چەك لەسەر باشوری سۆدان كۆدەبێتەوە وا بڕیارە 5 سەركردەی ئەو وڵاتەش سزا بدات  كە تۆمەتبارن بەدانانی لەمپەڕ لەبەردەم پڕۆسەی ئاشتی.

ڕۆژنامەی سەباح جەدیدی عێراق بڵاوی كردوەتەوە، لە سەر پێشنیاری ئەمریكا ئەمڕۆ ئەنجومەنی ئاسایشی نێودەوڵەتی بۆ سەپاندنی گەمارۆی چەك لەسەر باشوری سۆدان كۆبێتەوە، كۆبونەوەكەی ئەنجومەنی ئاسایش دابەشبوە بەسەر دووبەرەدا كە ژمارەیەك لەوڵاتانی ئەندام لەگەڵ ئەوەن گەمارۆی كڕینی چەك بخرێتە سەر باشوری سۆدان و ڕوسیا و چین و ئەسیوبیاش پێیانوایە سەپاندنی گەمارۆ لەهەوڵە دبلۆماتیەكان بۆ گەیشتن بە پرۆسەی ئاشتی كەم دەكەنەوە.

وابڕیاریشە هەر لەكۆبونەوەكەدا 5 سەركردەی كە هۆكارن بۆ دانی لەمپەڕ لەبەردەم گەیشتن بە پرۆسەی ئاشتی لە باشوری سۆدان سزابدرێن بەوەی گەشتكردنیان بۆ دەرەوە لێ قەدەغەبكرێت و دەست بەسەر سامان و پارەكانیاندا بگیرێت.

350 جار خوێندراوەتەوە