بەپەلە

بەهۆی نەبوونی مەرجی تەندروستییەوە كوشتارگەی سۆران داخراوە

09:08 - 11/07/2018
کوردستان

بەهۆی داخستنی كوشتارگەی سۆرانەوە رێگە بە سەربڕینی ئاژەڵی تر نادرێت

بەهۆی داخستنی كوشتارگەوە، ماوەی دوو رۆژە گۆشت لە قەزای سۆران نەفرۆشراوە، لە هیچ شوێنێكی تریش رێگە بەسەر بڕینی ئاژەڵ نادرێت. لیژنەكانی قایمقامیش هەڵمەتەكانیان بۆ چاودێریی بازاڕو شوێنە گشتییەكان چڕ كردووەتەوە.

ماوەی دوو رۆژە لە سۆران گۆشت نافرۆشرێت، بەهۆی ئەوەی لەلایەن لیژنەكانی قایمقامەوە لەسەر نەبوونی مەرجە تەندروستیەكان داخراوە، لە هیچ شوێنێكی تریش رێگە بەسەر بڕینی ئاژەڵ نادرێت.

ماوەی زیاتر لە هەفتەیەكە لیژنەكانی قایمقامیەتی قەزای سۆران هەڵمەتێكی چڕو پڕیان بۆ چاودێریكردنی بازاڕو شوێنە گشتییەكان بۆ نەهێشتنی سەرپێچی دەستپێكردووە.

داخستنی كوشتارگەكە بۆماوەی سێ رۆژە، لەدوای دڵنیابوونەوەی لیژنەكانی قایمقام بە جێبەجێكردنی مەرجە تەندروستییەكان، رێگە بە كردنەوەی دەدرێت.

555 جار خوێندراوەتەوە