سوپای ئیسرائیل فڕۆكەیەكی بێ فڕۆكەوانی خستە خوارەوە

08:17 - 11/07/2018
جیهان

لە چەند مانگی رابردوودا ئەمە سێیەم فڕۆكەیە بخرێتە خوارەوە

سوپای ئیسرائیل رایدەگەیەنێن، فڕۆكەیەكی بێ فڕۆكەوانی بە موشەكێكی جۆری پاتریۆت لە ئاسمانی ئیسرائیل خستووەتە خوارەوە. 

سوپای ئیسرائیل، بەتوندی هۆشدارییدا لەو كارەو جەختیكردەوە بەهیچ شێوەیەك لەو جۆرە پێشێلكاریانە خۆش نابن، كە ئاسمانی ئیسرائیل ببەزێنرێت و وەڵامی توندیان دەبێت. 

سوپای ئیسرائیل دەڵێت: ئەو فڕۆكە بێ فڕۆكەوانە لە سوریاوە فڕیوە بەرەو ئیسرائیل و ئاسمانی ئەو وڵاتەی لە باكوری ئیسرائیل بەزاندووە. 

مانگی رابردووش رووداوێكی هاوشێوە روویدا، مانگی شوباتی رابردووش ئیسرائیل رایگەیاند: فڕۆكەیەكی بێ فڕۆكەوانی لە ئاسمانی وڵاتەكەی خستو‌وەتە خوارەوە.


 بەڵام ئەو كات ئێرانی تۆمەتبار كردو لە كاردانەوەیەكی توندیشدا سوپای ئیسرائیل چەند ئامانجێكی سوپای پاسدارانی ئێرانی لە نێو خاكی سوریا بۆردومان كرد. 

67 جار خوێندراوەتەوە