بایدن هۆکاری دواین هێرشە ئاسمانییەکەی سوریا ئاشکرادەکات

KNN : Kurdish News Network
07:47 - 28/02/2021
جیهان

جۆ بایدن سەرۆکی ئەمەریکا لە نامەیەکدا کە ئاڕاستەی هەریەک لە نانسی پیلۆسی سەرۆکی ئەنجومەنی نوێنەران و پاتریک لێهی سەرۆکی کاتی ئەنجومەنی پیرانی کردووە، هۆکاری دواین هێرشە ئاسمانییەکەی رۆژهەڵاتی سوریا ئاشکرا کردووە.

 

 
بایدن لە نامەکەیدا ئاماژەی بەوەکردووە، هۆکاری هێرشە ئاسمانییەکە بۆسەر دوو گروپی چەکداری کەتائیبی حزبوڵا و کەتائیب ئەلشوهەدای سەر بە ئێران، وەڵامدانەوەی هێرشە موشەکیەکانی ئەم دواییانە بوون بۆ سەر پێگەکانی ئەمەریکا لە عێراق.

 

 

دەشڵێت: "له‌پێناوی پاراستنی سه‌ربازه‌كانمان و هاوپه‌یمانه‌كانمان له‌و هێرشانه‌وه‌‌ و بۆ ئه‌وه‌ی جارێكی دیكه‌‌ دوباره‌ نه‌بنه‌وه‌، ئه‌و ده‌سه‌ڵاتانه‌ی له‌ ده‌ستوردا، به‌سه‌رۆك دراوه‌ به‌كاریهێناوه‌ بۆ هێرشكردنه‌ سه‌ر ئه‌و گروپانه"‌.

 

رۆژی هەینی (پنتاگۆن) رایگەیاند، چەند شوێنێکیان لە شاری ئەلبوکەمال لە رۆهەڵاتی سوریا کردۆتە ئامانج، ئەوەش لەبەرامبەر هێرشەکانی ئەم دواییەی سەر سەربازانی ئەمەریکا لە عێراق، بەهۆیەوەشەوە ژمارەیەک لە چەکدارانی گروپی چەکداری کەتائیبی حزبوڵا و کەتائیب ئەلشوهەدای سەر بە ئێران، کوژراون.

847 جار خوێندراوەتەوە