ads top

سلێمانی؛ ژنە نابینایەكی بەهرەمەند

08:21 - 10/07/2018
هەمەڕەنگ

لە شاری سلێمانی ژنە نابینایەك چەندین بەهرەی جۆراجۆری هەیە، ئەو جگە لەوەی خۆی كاروباری خێزانەكەی بەڕێوەدەبات كاری دوورمانی دەكات و خولێكی تایبەت بە فێركردنی دوورمانی بۆ ژمارەیەك ئافرەتی تری نابیناش دەكاتەوە. 
 
سەوزە مەعروفی تەمەن 62 ساڵ، لەتەمەنی 4 ساڵییەوە بینایی چاوەكانی لە دەستداوەو زیاتر لە 30 ساڵە كاری دروومانی دەكات و بە سەوزەی خەیات ناسراوە. 

 

ئەم خانمە بەتوانایە نیشتەجێی شاری سلێمانییەو لە ساڵی 1993 لەگەڵ پیاوێكی چاو ساغدا هاوسەرگیری كردووە.

 

سەوزە مەعروف بەم كارە بژێوی خێزانەكەی دابین دەكات و سەوزە ئافرەتانی تری نابینا هان دەدات تاوەكو دەست بەكاركردن بكەن، بەوپێیەی سەرقاڵی خولێكی فێركردنی دروومانییە بۆ ژمارەیەك ئافرەتی نابینا.

بەپێی هەواڵەکە، سەوزە مەعروف زۆر گەشبینە لە ژیاندا و دەڵێت هیچ کارێک زەحمەت نییە.

 

3226 جار خوێندراوەتەوە