لە هەولێر دوو کەس کوژران

KNN : Kurdish News Network
06:33 - 27/01/2021
کوردستان

پۆلیسى هەولێر رایدەگەیەنێت؛ لە شارۆچکەى عەنکاواى هەولێر دوو برا کوژران، دەشڵێت: کێشەى کۆمەڵایەتى و دوژمنداریان هەبووە.

 

هۆگر عەزیز، وتەبێژى پۆلیسى هەولێر رایگەیاند: کەمێک پێش ئێستا لە شارۆچکەى عەنکاواى هەولێر، دوو کەس کە برا بوون بەهۆى دەستڕێژى گولـلەوە گیانیان لەدەستدا.

وتیشى: دواى روداوەکە هێزەکانى پۆلیس گەیشتونەتە شوێنەکە و دوو کەسەکەیان گواستۆتەوە بۆ نەخۆشخانە، بەڵام بەهۆى سەختى برینەکەیانەوە گیانیان لەدەستداوە.

باسى لەوەشکرد، لە لێکۆڵێنەوەدان و هەندێ زانیارییان دەستکەوتوە کە کوژراوەکان کێشەى کۆمەڵایەتى و دوژمندارییان هەبووە، بۆیە هەموو ئەگەرەکان بەو ئاراستەیەن کە بەهۆى ئەم کێشەیەوە بوبێت.

6465 جار خوێندراوەتەوە