تورکیا (25) راوێژکاری سەربازی رەوانەی بەغداد کرد، وەزارەتی بەرگری ئەو وڵاتە دەڵێت، ناردنی ئەو سەربازانە بەمەبەستی هاوکاریکردنی سوپای عێراقە.

 
وەزارەتی بەرگری تورکیا لە هەژماری خۆی لە تۆڕی کۆمەڵایەتی تویتەر بڵاویکردەوە " (25) راوێژکارمان ڕۆیشتوون بۆ بەغدا، لە پێناو پشتیوانی و هاوکاریکردنی سوپای عێراقی دۆست و هاوڕێ لە چوارچێوەی نوێنەرانی ناتۆ لە عێراق".
ئاماژەی بەوەشکردووە، ئەو (25)راوێژکارە یەکێکیان پلەی عەمیدە.

ئەوە کاتێکدایە، هەفتەی ڕابردوو خلوسی ئاکار وەزیری بەرگری تورکیا و سەرۆک ئەرکانی سوپای ئەو وڵاتە، سەردانی بەغدا و هەرێمی کوردستانیان کرد، بە مەبەستی تاوتوێکردنی چەند دۆسییەکی ئەمنی تایبەت بە هەردوولا.