پێشبینییەكانی فاڵگرەوە نابیناكە بۆ ساڵی (2021)

KNN : Kurdish News Network
10:50 - 01/01/2021
جیهان

هەرچەندە چارەكە سەدەیەكە كۆچی دوایی كردووە، بەڵام ژنە فاڵگرەوەی بەناوبانگی بولگاری فانگیلیا باندیفا گۆشتیرۆڤا كە بە بابا فانگا ناسراوە، جێی گرنگیپێدان و سەرنجی زۆر كەسە لە جیهاندا، ئەوەش بەهۆی پێشبینییە سەیرەكانییەوە كە بەشێكی زۆری بەدیهاتووە.

 

 
ڕۆژنامەی دەیلی مەیلی بەریتانی نوێترین پێشبینی و لێكدانەوەكانی فانگای بۆ ساڵی نوێ بڵاوكردۆتەوە و باسی لەوە كردووە جیهان كۆمەڵێك قەیران و كارەساتی گەورە بەخۆیەوە دەبینێت، لەنێوانیشیاندا ئەژدیهایاخود دێوە زمەیەكی گەورە كە دەست بەسەر مرۆڤایەتیدا دەگرێت.

 

بەپێی ئەو لێكدانەوانەی بۆ پێشبینییەكانی ئەو فاڵگرەوەیە كراوە، مەبەست لە ئەژدیهاكە وڵاتی چینە كە دەیەوێت لە چەندین بواردا دەست بەسەر جیهاندا بگرێت.

 

ئەو ژنە كە نابینا بووە و لە مانگی ئابی ساڵی 1996 لەتەمەنی 85 ساڵیدا كۆچی دوایی كردووە، ئاماژەی بەوە كردووە ساڵی 2021 ساتی قورس و سەختی تێدایە و خەڵكی بەهۆی بیروڕاكانیان بەسەر چەند بەرەیەكدا دابەش دەبن، هەروەها كارەسات و ڕوداوی وێرانكەری تێدایە كە داهاتوویمرۆڤایەتی دەگۆڕێت.

 

بتبت فانگا ئەوەشی ئاشكراكردووە لەمساڵدا چارەسەری نەخۆشی شێرپەنجە دەدۆزرێتەوە، لەو بارەیەوە وتویەتی "ڕۆژێك دێت نەخۆشی شێرپەنجە بە زنجیرێكی ئاسنەوە دەبەسترێتەوە".

 

فاڵگرەوە بولگارییەكە لە پێشبینییەكانیدا باسی لەوەشكردووە لە ساڵی نوێدا ئەو سەرۆكەی ئەمریكا كە ویلایەتەكەی تەواو بووە (دۆناڵد ترەمپ دەگرێتەوە)، توشی نەخۆشییەكی مەترسیدار دەبێت، هەروەها كیشوەری ئەوروپا لەلایەن كەسانی توندڕەوەوەڕوبەڕوی هێرشێكی كیمیاوی دەبێتەوە.

 

ئەوەی وایكردووە كەسانێكی زۆر گرنگی بە قسەكانی فانگا بدەن، بەدیهاتنی زۆرینەی پێشبینییەكانێتی، لەوانە هەڵوەشاندنەوەییەكێتی سۆڤێت و چونە دەرەوەی بەریتانیا لەیەكێتی ئەوروپا، هەروەها هێرشەكانی 11 ئەیلول، دروستبونی شەپۆلەكانی تسۆنامی لە تایلەند، باسی لەوەش كردبوو لە ساڵی 2020 ڤایرۆسێك لە جیهان دەردەكەوێت ك میلۆنان كەس دەكاتە قوربانی.

 

هەر بەپێی پێشبینییەكانی ئەو پیرێژنە، گەردون لە ساڵی 5079 كۆتایی پێدێت.

 

فانگیلیا باندیفا گۆشتیرۆڤا ساڵی 1911 لە ناوچەی سترۆمیتسای مەقدۆنیا كە سەر بە دەوڵەتی عوسمانی بووە لەدایكبووە، لەتەمەنی لاوێتیدا بەهۆی زریانێكی لمییەوە هەستی بینینی لەدەستداوە و تا مردنی لەو شێوەیە ماوەتەوە.

3385 جار خوێندراوەتەوە