لەسەر راسپاردەى کوێستان محەمەد پڕۆژەى دەرماڵەى لەبرى کەمئەندامى پەسەند کرا

KNN : Kurdish News Network
05:21 - 02/12/2020
کوردستان

بەکۆى دەنگ ئەنجومەنى وەزیران لەسەر راسپاردەى وەزیرى کار و کاروبارى کۆمەڵایەتى دەرماڵەى (لەبری کەمئەندامی) پەسەندکرد و هەزاران خاوەن پێداویستى تایبەت لێى سودمەند دەبن.

کوێستان محەمەد، وەزیرى کارو کاروبارى کۆمەڵایەتى بە دیجیتاڵ میدیاى(KNN)ى راگەیاند: لە کۆبونەوەى ئەمڕۆیدا، ئەنجومەنى وەزیران (دەرماڵەی لەبری کەمئەندامی)پەسەندکرد.

وتیشى: ئەو کەمئەندامانەى موچەیەکی تریان هەیە و رێژەی کەمئەندامیەکەیان (70%) بەرەو ژورە، بڕی (100)هەزار دینار هاوکارى (مینحە ) یاخود موچەی مانگانە لاى ئێمە وەردەگرن جا بەپێی یاسای چاکسازییەکە نابێت دو موچە بمێنێت، بەڵام بە پەسەند کردنى ئەو دەرماڵەیە دەخرێتە سەر موچەکەى دیکەیان و دەبێتە دەرماڵەى لەبرى پەککەوتەیى و موچەکانیان راناگیرێت.

 

ئەوە لە کاتێکدایە، سبەینێ رۆژى جیهانى خاوەن پێداویستییە تایبەتەکانە و ئەو بڕیارە لەبەرژەوەندى کەمئەندامانە و پێشتریش لەگەڵ دەستبەکاربونى وەزیرى کار، بڕیاریدا نزیکەى (15) هەزار کەمئەندام کە موچەکانیان لێراگیرابو بخرێنەوە لیستى موچە.

 

543 جار خوێندراوەتەوە