جۆبایدن ناوى کاندیدى پۆستە باڵاکانى ئیدارەکەى ئاشکرا کرد

KNN : Kurdish News Network
09:46 - 23/11/2020
جیهان

جۆبایدن سەرۆکى هەڵبژێردراوى ئەمەریکا کاندیدى پۆستە باڵاکانى ئیدارەکەى دیارى کرد.

 

بەپێى هەواڵى میدیاکانى ئەمەریکا، جۆبایدن ئەنتۆنى بلینکینى وەک کاندیدى وەزیرى دەرەوە لە ئیدارەکەیدا دیارى کردوە.

هەروەها جاک سۆلیڤان وەک راوێژکارى ئاسایشى نەتەوەیى ئەمەریکا و ئەلیخاندرۆ مایۆرکاس بۆ پۆستى وەزیرى ئاسایشى ناوخۆ کاندید کراون.

 

هەریەک لە لیندا تۆماس گرینفێڵد بۆ پۆستى نوێنەرى ئەمەریکا لە نەتەوە یەکگرتووەکان و جۆن کیرى وەزیرى پێشوترى دەرەوەى ئەمەریکا بۆ نوێنەرى تایبەتى سەرۆکى ئەمەریکا بۆ کاروبارى کەشوهەوا لەلایەن جۆبایدنەوە کاندید کراون.

629 جار خوێندراوەتەوە