رێکخراوی تەندروستی جیهانی: دەبێت مرۆڤایەتی خۆی بۆ ڤایرۆسێکی نوێ ئامادە بکات

KNN : Kurdish News Network
12:12 - 06/11/2020
جیهان

رێکخراوی تەندروستی جیهانی داوا دەکات مرۆڤایەتی خۆی بۆ پەتا و ڤایرۆسێکی نوێ ئامادەبکات.

 

 لە بەیاننامەیەکدا رێکخراوی تەندروستی جیهانی داوا لە مرۆڤایەتی دەکات، خۆی بۆ پەتا و ڤایرۆسێکی نوێ ئامادە بکات، دەشڵێت پێویستە کۆمەڵگەی نوێدەوڵەتی ئامادەکاری بۆ پەتایەکی نوێ بکات.

 

ئاماژەی بەوەشکردووە، ئەم بابەتە لە بەرنامەی كاری (73) مین کۆنفرانسی ساڵانەی ئەنجومەنی تەندروستی جیهانیدا دەبێت.


ڕێکخراوەکە راشیگەیاندووە، تاکە رێگە بۆ بەزاندنی ڤایرۆسی کۆرۆنا، زانست و پەرەپێدانی توێژینەوەیە، سەرەڕای ئەوەی کۆرۆنا قەیرانێکی جیهانیی خوڵقاند، لەگەڵ ئەوەشدا ژمارەیەک لە وڵاتان سەرکەوتو بون بەسەر ئەو دوژمنەدا و لەرێگەی پلان و پرۆگرامی وردەوە توانیان کۆنتڕۆڵی ڤایرۆسەکە بکەن و بەسەریدا سەرکەون.


بەشی دوەمی دانیشتنی (73)مین ئەنجومەنی تەندروستی جیهانی لە كاتێكدایە، كە بەشی یەکەمی لە مانگی ئایاری ڕابردو لە جنێڤ بەسترا، بڕیاربو بڕیار لەسەر ئامادەكاری پێزیست بۆ حاڵەتە تەندروستییە خێراكان بدرێـت.

4075 جار خوێندراوەتەوە