ئەو شۆفێرەى دواى کوشتنى دوکەس هەڵاتبو، دەستگیرکرا

12:38 - 18/10/2020
کوردستان

پۆلیسى هەولێر دەستگیرکردنى ئەو شۆفێرەى راگەیاند کە دواى ئەوەى لە روداوێکى هاتوچۆدا دو کەسى کوشتبو و هەڵاتبو.

لە راگەیەنراوێکدا پۆلیسى هەولێر رایگەیاند: بەشی پۆلیسی ناوشار- رۆژئاوا، بنكەی پۆلیسی شادی، دوای ئەوەی لە بوونی روداوێكی هاتوچۆ لە ترافیكلایتی مەخموور ئاگادار كرانەوە، دەستبەجێ گەیشتنە شوێنی رووداوەكە و دەركەوت كە شوفێرێك بە ئۆتۆمبێلێكی جۆری (ئۆمیگا)، لە شۆفێرێک و سەرنشینى ماتۆڕێکى داوە و هەردوکیشیان گیانیان لەدەستداوە و شۆفێرى ئۆمیگاکەش بەناوى (م.ب.م) هەڵاتوە.

دەشڵێت: دواى روداوە تیمێکى لێکۆڵینەوە سەردانى شوێنەکەیان کرد و توانرا بە کەمتر لە دو کاتژمیر تۆمەتبارەکە دەستگیر بکەن.

پۆلیسى هەولێر ئاماژەى بەوەشکردوە، تۆمەتبارەکە دانی نا بە تاوانەكەیدا و بە بڕیاری دادوەر و بەپێی ماددە (24)ی هاتوچۆ، راِگیرا و رادەستی یاسا كرا.

3123 جار خوێندراوەتەوە