بەپەلە

سێیەمین پێشانگای ساڵانەی شێوەكارانی عێراق له‌ سلێمانی كرایه‌وه

08:22 - 05/07/2018
گەلەری

‌لە شاری سلێمانی و لە هۆڵی ماجیدی مۆڵ سێیەمین پێشانگای ساڵانەی شێوەكارانی عێراق عەرەب لەلایەن بەڕێوەبەرایەتی گشتی رۆشنبیری و هونەر لە سلێمانی كرایەوە 

تیایدا 100 شێوەكاری عێراق لە عەرەب و كورد بە 150 تابلۆ به‌شداریان تێدا كردووه‌.

موهەنەد عیساوی، سەرپەرشتیاری پێشانگاكە، راگەیاند: كۆڕبەندی رۆشنبیری و هونەری سێهەم بۆ ساڵی سێهەم لەسەر یەك لە شاری سلێمانی لەلایەن تۆڕی باڵێوزانی داروسەلام ساز دەكرێت.

وتیشی "بە 100 تابلۆی جۆراوجۆر و به‌ زیاتر لە 100 شێوەكاری به‌شدار لە زۆربەی شارەكانی عێراق پێشه‌نگاكه‌ كراوه‌ته‌وه‌".
 
ده‌شڵێت: "شێوەكارانی عەرەب پەیامی ئاشتی و خۆشەویستییان هەڵگرتووە بۆ دانیشتووانی ئەم شارە كە سەدان هەزار ئاوارەی عەرەبیان لەخۆگرتووە".

هه‌روه‌ها شێوەكاری كوردی بەشداربووی نێو پێشانگاكە، محەمەد فەتاح، لە بارەی تابلۆكانی نێو پێشانگاكەوە به‌ ئاژانسی ئانادۆڵوی راگه‌یاند: "سازدانی ئەم جۆرە پێشانگایانە كارێكی باشە بەهۆی ئەوەی كۆمەڵێك ستایل دەبینین، بەڵام لەم جۆرە پێشانگایانە ئاستی جیاواز دەبینیت كە بەشێكیان باش و بەشێكی خراپن و ئەگەر ئەو خراپانەش نەبن باشەكان دەرناكەون".

پێشانگاكە رۆژی 4-7-2018 كرایه‌وه‌و ته‌نیا دوو رۆژ دەخایەنێت و خەڵاتی رێزلێنان دەبەخشرێتە 10 هونەرمەندی شێوەكاری كورد.

596 جار خوێندراوەتەوە