نۆ ئەندامی داعش لە سلێمانی دەستگیرکران

08:28 - 29/09/2020
کوردستان

وتەبێژی فەرماندەی هێزە چەکدارەکانی عێراق رایگەیاند، بەهاوکاری دژەتیرۆری سلێمانی، نۆ کەسیان بە تۆمەتی ئەندامبوون لە رێکخراوی داعش لەشاری سلێمانی دەستگیرکردووە.


عەمید یەحیا رەسوڵ، وتەبیژی فەرماندەی هێزە چەکدارەکانی عێراق لەراگەیەندراوێکدا ئاماژەی بەوەکردووە، بەپێی ماددەی چواری تیرۆر، لە ئۆپراسیۆنێکی هاوبەشدا نۆ کەسیان لە شاری سلێمانی بە تۆمەتی داعشبوون دەستگیرکردووە.



روونیشیکردووەتەوە، ئەوانەی دەستگیرکراون سەر بە کەرتی باشوری ویلایەتی عێراقی داعش بوون و بەهاوکاری دژەتیرۆری سلێمانی دەستگیرکراون.

 

لە کۆتایی بەیاننامەکەدا وتەبێژی هێزە چەکدارەکانی عێراق ئاماژەی بەوەشکردووە، ئەو کەسانە بەگوێرەی مادەی ٤ی تیرۆر یاداشتی دەستگیر کردنیان بۆ دەرچووە و هەموو رێوشوێنێکی پێویستیان لە دژ گیراوەتە بەر

2673 جار خوێندراوەتەوە