سێ سەرۆکایەتییەکەی عێراق: دۆخی ئاڵۆز و نائارامی ئەمنی زیانی گەورە بە ئابوری وڵاتەکە دەگەیەنێت

09:28 - 27/09/2020
عێراق

هەرسێ سەرۆکایەتییەکەی عێراق رایدەگەیەنن کە پێویستە چەک لە دەستی دەوڵەتدا بێت و سەرجەم تیمە دیپلۆماسییەکانیش پارێزرابن، دەشڵێن دۆخی ئاڵۆز و نائارامی ئەمنی زیانی گەورە بە ئابوری وڵات دەگەیەنێت.

 

 لە بەیاننامەیەکی هاوبەشدا سەرۆکایەتی کۆمار و حکومەت و پەرلەمانی عێراق جەخت دەکەنەوە لەوەی کە چەک تەنها لەدەستی دەوڵەتدا بێت و پارێزگای لە باڵیۆزخانە و تیمە دیپلۆماسییەکان بکرێت.

 

باس لەوەشکراوە، کە ئەو روداوانەی لەماوەی رابردودا رویانداوە وەک هێرشی بەردەوامی ناوەندە مەدەنی و سەربازییەکان و تیرۆرکردن و رفاندنی چالاکوانان، زیان بە ئاسایش و سەروەری عێراق دەگەیەنێت.

 

هەروەها ئاماژەیان بەوەشکردووە، دۆخی ئاڵۆز و نائارامی ئەمنی زیانی گەورە دەگەیەنێت بە ئابوری عێراق و ئەو هەوڵانەش کە دەیدات لە پێناو تێپەڕاندنی قەیرانەکان، بە تایبەت ئەو دۆخە ئابورییە خراپەی کە بەهۆی تەشەنەکردنی کۆرۆنا و نزمبوونەوەی نرخی نەوتەوە هاتووەتە ئاراوە

373 جار خوێندراوەتەوە