وێنە و ڤیدیۆ...ئەم مۆبایلە نوێیە شەحنەكەی بەشی هەفتەیەك دەكات لە نرخیشدا ڕكابەری هەمووانە

08:57 - 29/08/2020
زانستی

كۆمپانیایەكی چینی جۆرە مۆبایلێكی نوێ دەخاتە بازاڕەوە كە چەندین تایبەتمەندی تێدایە و لە چەند ڕویەكەوە ڕكابەری مۆبایلەكانی دیكەی ئەم سەردەمە دەكات.

 
كۆمپانیای (Gionee) تایبەت بە دروستكردنی مۆبایل، نوێترین بەرهەمی خۆی بە چەند تایبەتمەندییەكی جیاوازەوە  بڵاودەكاتەوە، بە تایبەت لەڕووی ماوەی بارگاوی كردنەوە، لە نرخیشدا كێبڕكێ لەگەڵ زۆرینەی مۆبایلە زیرەك و بڵاوەكانی ئەم سەردەمەدا دەكات.

 

مۆبایلەكە لە جۆری (Gionee M30)، پاترییەكی 10 هەزار میلی ئەمپێری لەسەرە، كە بەشی هەفتەیەك دەكات ئەگەر مۆبایلەكە داگیرسابێت، هەروەها دوو ڕۆژیش ئەگەر بەردەوام لە باری پەیوەندیكردن و بەكارهێنانی ئینتەرنێت و گوێگرتن لە گۆرانی و سەیركردنی ڤیدیۆدا بێت، بێ ئەوەی ئەوەی پێویستی بە بارگاوی كردنەوە هەبێت.

 

 

ئەم بەرهەمە نوێیە تەنانەت بارگاوی كردنەوەكەشی جیاوازە و دەتوانێت لەماوەیەكی كەم و خێرادا بە شەحنێكی 25 واتی بارگاوی بكرێتەوە.

 

 

مۆبایلی (Gionee M30) شێوەیەكی جوانی هەیە و ڕوكاری دەرەوەی لە كانزا و پلاستیك دروستكراوە و بەشێكیشی بە چەرم داپۆشراوە و كێشەكەی 305 گرامە، پێوانەی شاشەكەی 6 ئینجە بە كوالیتی 1440/720 مێگاپێكسڵ، دەشتوانرێت لەڕێیەوە سەیری ڤیدیۆی (HD+) بكرێت.

 

مۆبایلە نوێكەی كۆمپانیای (Gionee) چینی سسیستمی (MediaTek Helio P60) تێدایە و میمۆرییەكەی 8 گێگابایتە، لەگەڵ میمۆرییەكی دیكەی 128 مێگابایتی كە دەتوانرێت زیاد بكرێت ئەمە جگە لەوەی سیستمی كاركردنەكەی (Android 9 Nougat)، لەگەڵ چەند تایبەتمەندییەكی دیكە.

 

كامێرای سەرەكی مۆبایلەكە 16 مێگاپێكسەڵە و كامێرای پێشەوەشی 8 مێگاپێكسڵە، پێشبینی دەكرێت نرخەكەی 200 دۆلار بێت و بەم زووانە لە بازاڕەكاندا بەردەستبێت

960 جار خوێندراوەتەوە