دوکان؛ گەنجێک لەسەر بەلەمێکی گەشتیاری کەوتە خوارە و خنکا

06:02 - 01/08/2020
کوردستان

گەنجێکی تەمەن (20) کەوتە ناو دەریاچەی دوکان و خنکا، تا ئێستاش تەرمەکەی نەدۆزراوەتەوە.

 

رێژین رەئوف  بەڕێوەبەری گەشتیاری دوکان بە دیجیتاڵ میدیای KNN رایگەیاند، گەنجێکی تەمەن (20) ساڵ لەسەر بەلەمێکی گەشتیاری(جێت سکی) پەڕیوە و  کەوتۆتە ناو ئاوی دەریاچەکەوە و خنکاوە.

 

 

ئاماژەی بەوەشکرد، لە ئێستادا تیمەکانیان سەرقاڵی گەرانن بەدوای تەرمەکەیدا.

 

 

وتیشی ئاوی دەریاچەی دوکان بەهۆی خنکانی ئەوگەنجە بۆ ماوەی چەند کاتژمێرک دەگیرێتەوە.

 

هاوکات سیروان سەرحەد قائیمقامی قەزای دوکان بە دیجیتاڵ میدیای KNNی راگەیاند،ئەمساڵ تا ئێستا ئەمە سێیەمین حاڵەتی خنکانە لە دەریاچەکەدا، ساڵی پار تا ئەم کاتە زیاتر لە 6 کەس لە ناو ئاوی دەریاچەکەدا خنکاون.

 

سلێمانی/ بڕیار نامیق

2453 جار خوێندراوەتەوە