ئەمڕۆ پێنجشەممە، ئاژانسى بۆشایى ئاسمان "ناسا" گەورەترین و هەرە پێشکەوتووترین کەشتی ئاسمانی کە هەتا ئێستا دروستکرابیت و قەبارەکەی هێندەی ئوتومبیلێک دەبێت، بەرەو هەسارەی مەریخ هەڵدا.

بەپێى ئەسۆسییەیت پرێس، ئاژانسی ناسا کەشتی پریزێرڤرنسی بەسەر کۆڵی رۆکێتێکی گەورەی ئەتڵەس V ی بەرەو هەسارەی مەریخ هەڵدا، کە سێهەمین و دوایین هەڵدانە لە جیهاندا بۆ ئەم هەسارەیە لەم وەرزەی هاویندا.

کەشتیەکە کامێرا و مایکرۆفۆن و ئامێری هەڵکەندن و هەروەها لێزەری تێدایە و ئەرکی گەڕانە بە نێو هەسارەی مەریخدا. ئەمەش بەشێکە لە پرۆژەیەکی پڕهیوا و مەودا درێژ کە بۆ یەکەم جارە نمونەکانی بەردی سەر ئەو هەسارەیە دەهێنێتەوە بۆ زەوی بۆ ئەوەی شیکاریان لەسەر بکرێت بۆ دۆزینەوەی بەڵگەکانی هەبوونی ژیان .

هەفتەی رابردوو چین و ئیمارات دەستپێشخەریان لەو بوارەدا کرد و بڕیارە هەرسێ ئەو کەشتیە ئاسمانیانەی ئەمریکا و چین و هەروەها ئیمارا لە مانگی شوباتی ساڵی داهاتوودا بگەنە شوێنی مەبەست، دوای گەشتێکی حەوت مانگی کە مەوداکەی 480 ملیۆن کیلۆمەترە.