لە ئەمریکا ژماره‌ی ئه‌و تووشبووانەی به‌ كۆرۆنا گیانیان له‌ده‌ستداوه 800 کەسی تێپەڕاند

06:53 - 25/03/2020
جیهان

له‌ ئه‌مریكا ژماره‌ی حاڵه‌ته‌كانی تووشبوون به‌ ڤایرۆسی كۆرۆنای نوێ (COVID-19) گه‌یشته‌ ٥٥ هه‌زار و ٢٣٨ حاڵه‌ت و ژماره‌ی ئه‌و كه‌سانه‌ی گیانیان له‌ده‌ستداوه‌ ‌ بۆ ٨٠٢ كه‌س به‌رزبوویه‌وه. 

 

 
به‌پێی ئه‌و زانیارییانه‌ی كه‌ زانكۆی جۆنز هۆپكینز بڵاویكردووه‌ته‌وه‌، له‌ماوه‌ی ٢٤ كاتژمێری رابردوودا، هه‌شت هه‌زار و ٧٥٧ كه‌س تووشی ڤایرۆسه‌كه‌ بوون و كۆی گشتیی ژماره‌ی تووشبووان گه‌یشتووه‌ته‌ ٥٥ هه‌زار و ٢٣٨ كه‌س، ئه‌مه‌ جگه‌ له‌وه‌ی له‌ هه‌مان ماوه‌دا ٢٠٩ كه‌سی دیكه‌ گیانیان له‌ده‌ستداوه‌ و كۆی گشتیی ژماره‌ی ئه‌و كه‌سانه‌ی گیانیان له‌ده‌ستداوه‌ بۆ ٨٠٢ كه‌س به‌رزبووه‌ته‌وه‌. 


دوێنێ ژماره‌ی حاڵه‌ته‌كانی تووشبوون به‌ ڤایرۆسی كۆرۆنای نوێ (COVID-19) له‌ ئه‌مریكا ٤٦ هه‌زار و ٤٨١ حاڵه‌ت بوون و ژماره‌ی ئه‌و كه‌سانه‌شی گیانیان له‌ده‌ستدابوو، ٥٩٣ كه‌س بوون. 


ئه‌مریكا له‌دوای هه‌ریه‌ک چین و ئیتاڵیا له‌ پله‌ی سێیه‌مدا دێت له‌ رووی ژماره‌ی حاڵه‌ته‌كانی تووشبوون به‌ ڤایرۆسه‌كه‌، له‌ كاتێكدا له‌ چین ٨١ هه‌زار و ٦٦١ حاڵه‌تی تووشبوون و له‌ ئیتاڵیا ٦٩ هه‌زار و ١٧٦ حاڵه‌تی تووشبوون هه‌یه‌. 

463 جار خوێندراوەتەوە