بەڵگە.. دادگا بڕیاری کۆتایی لەسەر کەیسەکەی ئامانج بابانی و لانە محەمەد دا

05:27 - 28/01/2020
کوردستان

دادگای سلێمانی بڕیاری کۆتایی لەبارەی کەیسی گیان لەدەستدانی رۆژنامەنوسان ئامانج بابانی و لانە محەمەدەوە دا و دەڵێت کردوەکە خۆ کوژیی بووە بۆیە دۆسیەکە داخست.

 

بەپێێ بەڵگەنامەیەک کە سۆران عومەر ئەندامی پەرلەمانی کوردستان بڵاویکردۆتەوە رۆژی ١٨ مانگی دوانزەی ساڵی رابردوو دادوەر هەڵاڵە فەتاح محەمەد بڕیاریداوە بە داخستنی یەکجاری دۆسیەکە و گەڕانەوەی کەل و پەل  ومۆبایل و ئایپادەکانی هەردوو کۆچکردوو بۆ کەس وکاریان.

 

لە پەڕاوی دۆسیەکەدا هاتووە بە سەرنجدان لە راپۆرتی توێکاری پزیشکی  و راپۆرتەکانی نوسینگەی بەڵگە و تاوان  و وەرگرتنی وتەی شایتەکان و سەریرکردنەوەی گرتە ڤیدیۆیەکان دەردەکەوێت کەوا تۆمەتباری ئەم دۆسیەیە ئامانج محەمەد نورییە و تۆمەتبارە بە پێی مادەی ٤٠٦ لە یاسای سزادانی عێراقی،بەڵام بەهۆی ئەوەی نابراو خۆی کوشتووە بۆیە دادوەر بڕیاریداوە بە داخستنی دۆسیەکە بە شێوەیەکەی کۆتایی.

 

رۆژی ١٦ ی ئۆکتۆبەری ساڵی رابردوو هەردوو رۆژنامەنوس ئامانج بابانی و لانە محەمەدی هاوسەری و منداڵەکەیان لە روداوێکدا گیانیان لەدەستدا،هەرزوو لایەنە ئەمنیەکان رایانگەیاند روداوەکە  خۆ کوژییە و پەیوەندی بە کێشەی خێزانیەوە هەیە.

29297 جار خوێندراوەتەوە