پەرلەمانی کوردستان: دوو سبەی دەنگ لەسەر پرۆژە یاسای چاکسازی دەدرێت

03:45 - 14/01/2020
کوردستان

ده‌سته‌ی سه‌رۆكایه‌تیی په‌رله‌مانی كوردستان به‌رنامه‌ی كاری دانیشتنی ژماره‌ (15)ی ئاساییی رۆژی پێنج شەممەی راگه‌یاند، كه‌ تێیدا دەنگ لەسەر پرۆژە یاسای چاکسازی دەدرێت.

 

 
هەروەها رێواز فایەق سەرۆکی پەرلەمان لە بانگهێشتێکدا داوای لە پەرلەمانتاران کردوە لە کاتژمێر یانزەی دوو سبەی رۆژی پێنج شەممە ئامادەی دانیشتنی پەرلەمان بن بۆ دەنگدان لەسەر پرۆژە یاساکە.

 

 لە ماوەی دوو ڕۆژی رابردوودا پەرلەمانی کوردستان خوێندنەوەی دووەمی بۆ پرۆژە یاسای چاکسازی کرد و چەندین پێشنیار لەسەر بڕگەو  مادەکانی پرۆژەکە خرایە ڕوو.


بڕیارە لە دانیشتنی رۆژی پێنج شەممەدا سەرجەم پێشنیارەکانی بڕگە و مادەکان بخەرێنە دەنگدانەوە و پەسەندبکرێت.

416 جار خوێندراوەتەوە