ئیتاڵیا ناردنی چەکی بۆ تورکیا ڕاگرت

11:27 - 15/10/2019
جیهان

وەزارەتی دەرەوەی ئیتاڵیا بڕیاری راگرتنی فرۆشتنی چەکی بە تورکیا راگەیاند و ئاماژەی بەوەکردووە، نابێت قەیرانی سوریا بە رێگەی سەربازی چارەسەر بکرێت.

 

وەزیری دەرەوەی ئیتاڵیا رایگەیاند، رۆما ناردنی چەک بۆ تورکیا قەدەغەدەکات و چارەسەری قەیرانی سوریا دەبێت بە رێگەی دیپلۆماسی بێت و هێرشی سەربازی چارەسەرنییە.

 

بڕیاری راگرتنی ناردنی چەک بۆ تورکیا لە کاتێکدایە، پشتریش هەریەک لە فەڕەنسا و ئەڵمانیا ناردنی چەکیان بۆ ئەو وڵاتە راگرت و دوێنێش یەکێتی ئەوروپا لە لۆکسمپۆرگ کۆبوونەوە و سەرەڕای ئەوەی داوایان لە تورکیا کرد هێرشەکانی لەسەر ڕۆژئاوای کوردستان ڕاگرێت، هۆشداریاندا لە ئەگەری بەرزبوونەوەی توندوتیژی لەناچەکەدا.


هەر ٢٨ ئەندامەکەی یەکێتی ئەوروپا بڕیاریانداوە چیتر چەک بە تورکیا نەفرۆشن سەرەڕای ئەوەی بژاردەی دیکەشیان لەبەردەستدایە بۆ ڕاگرتن و سزادانی تورکیا لەئەگەری بەردەوامبوونی توندوتیژییەکان لە ڕۆژئاوای کوردستان.


ئەندامانی یەکێتی ئەوروپا بریتین لە (نەمسا،بەلجیکا، بولگاریا، قوبروس، چیک، دانیمارک، ئەستۆنیا، فینلاند، فەرەنسا، ئەڵمانیا، یۆنان، هەنگاریا، ئیتاڵیا، ئیرلەندا، پۆڵەندا، لاتیڤیا، لۆلسمبۆرگ، لیتوانیا، هۆڵەندا، ماڵتا، پورتوگال، ڕۆمانیا، سلۆڤاک،سلۆڤانیا، ئیسپانیا، سوید، کرواتا، بەریتانیا).

 
3667 جار خوێندراوەتەوە