پەکەکە: هەموو کۆڵان و ماڵێک دەکەینە سەنگەری شەڕ

01:53 - 10/10/2019
کوردستان

کۆمیتەی بەڕێوەبەرایەتی پەکەکە راگەیێندراوێكی بڵاوکردەوە و رایگەیاند "لەبەرامبەر هێرشە داگیرکارییەکانی تورکیا هەموو ماڵێک دەبێتە بنکە و هەموو کۆڵانێکیش دەبێتە سەنگەری شەڕ".

لە یەکەمین کاردانەوەی پەکەکەدا لەدوای دەستپێکردنی هێرشی تورکیا بۆسەر رۆژئاوای کوردستان، کۆمیتەی بەڕێوەبەرایەتی پەکەکەدا داوا لە هەپەگە و یەژاستار دەکات چالاکییە سەربازییەکانیان لە باکوری کوردستان چڕ بکەنەوە.

لە راگەیاندراوەکەی کۆمیتەی بەڕێوەبەرایەتی پەکەکەدا هاتووە، "خاکی باکور و رۆژهەڵاتی سوریا لەلایەن سوپای تورکیاوە داگیردەکرێت، ئەو شتەی چەتەکانی داعش نەیانتوانی بیکەن کە لە ١٥ی ئەیلولی ٢٠١٤ هێرشیان کردە سەر کۆبانێ، ئێستا دیکتاتۆریی فاشیستی ئاکەپە-مەهەپە کە دووژمنی گەلی کورد و دوژمنی مرۆڤایەتیە دەیەوێت بیکات."

 

دوێنێ تورکیا هێرشی سەربازی بۆسەر رۆژئاوای کوردستانی دەستپێکرد و دواتر وه‌زاره‌تی به‌رگریی توركیا ڕایگەیاند، لەگەڵ چەکدارانی هاوکاری سوری ئۆپراسیۆنی زەمینیان دەستپێکردووە و تاوەکو ئێستا بەردەوامە.

4567 جار خوێندراوەتەوە