ڤیدیۆ.. چەند بەڵگەیەک لەسەر کەیسی سێوان قادر نیشان دەدرێت

08:38 - 12/09/2019
کوردستان


 لە هۆڵی ئەمنە سورەكەی شاری سلێمانی ژمارەیەك لە چالاكانی كۆمەڵی مەدەنیی كەمپەینی ببینن و بێدەنگ مەبن-یان ڕاگەیاند بۆ گەیاندنی زیاتری خەم و داوای خانەوادەی سێوان قادر بە لایەنی پەیوەندیدار و ڕای گشتیی , چەندین گرتەی ڤیدیۆیی ڕوداوەكەشیان خستە ڕوو.
 
خانەوادەی سێوان قادر بە نیگەرانیەوە داوا لە هەر سێ‌َ سەرۆكایەتیەكەی هەرێم و دادگا دەكەن  بە ئەركی خۆیان هەستن و دۆسیەی سێوان قادر و منداڵەكانی یەكلا بكەنەوە و تۆمەتبارانی ڕوداوەكە بە سزای خۆیان بگەیەنن ، ئەندامێكی پەرلەمانی كوردستان ئاماژە بەوە دەكات ڕێكارە یاساییەكان لە دۆسیەكەدا بە سستی بەڕێوەدەچێت , پارێزەرێكی دۆسیەكەش ڕایدەگەیەنێت ، ئەو بڕیارەی دادگای لێكۆڵینەوەی سلێمانیان تەمیز كردوەتەوە كە یەكێك لە تۆمەتبارانی دۆسیەكە ئازادر كراوە و چاوەڕوانی بڕیاری دادگای تەمیزن بۆ هەڵوەشاندنەوەی بڕیارەكە و دەستگیركردنەوەی تۆمەتبارەكە.

 

سێوان قادر و سێ‌ منداڵەكەی ئێوارەی 17-12-2018 بە هۆكارێكی نادیار لە گەڕەكی ئاسودەی چەمچەماڵ سوتان و منداڵەكانی گیانیان لە دەستدا و سێوانیش دوای 8 رۆژ مانەوە لە نەخۆشخانە و بەهۆی ئەوەی %90 ی جەستەی سوتا بوو , گیانی لە دەستدا.

11084 جار خوێندراوەتەوە