ads top

ڤیدیۆ... شەپۆلی مێش ‌و مەگەز شاری كاراتچیی لە پاکستان داپۆشی

10:19 - 10/09/2019
هەمەڕەنگ


شەپۆلی مێش و مەگەز، شاری كاراتچیی پاكستانی داپۆشیوە، هاوڵاتییان بەدەست مێش و مەگەزو مێشوللەوە، گرفتارن و ڕایدەگەیەنن: مێش، شارەكەی داگیركردوەو شوێنێك نەماوە بۆ ژیان، بەهۆی بڵاوبونەوەی نەخۆشییەوە نەخۆشخانەكانی ئەو شارە جمەیان دێت، حكومەتیش هاوشێوەی ساڵانی بیستەكانی سەدەی ڕابردو، دەیەوێت لەڕێگەی دوكەڵی سەیارەی مێشەكەوە، چارەسەری دۆخەكە بكات.

زۆرجار دەوترێت شەپۆلی سن‌ و كولـلە ناوچەیەكی كشتوكاڵی داگیر كردووە، بەڵام ئەوەی دەیبینن، شەپۆلی مێش‌و مەگەزەو شاری كاراتچیی پاكستانی داگیر كردووە.

ئەو شەپۆلی مێش و مەگەزەی شاری كاراتچیی پاكستانی گرتوەتەوە، نەك هەر ژیانی لە هاوڵاتیان تاڵ كردوە، بەڵكو بوەتە هۆكاری بڵاو بونەوەی چەندین نەخۆشی وەك سكچون و سك ئێشەو كۆئەندامی هەناسەدان بەتایبەت لەناومناڵاندا، نەخۆشخانەكانی كاراتچی بەهۆی زۆری ژمارەی نەخۆشەوە جمەیان دێت.

د. جەمال ڕەزا، بەڕێوەبەری پەیمانگەی نیشتمانی بۆ تەندروستی مناڵان، هۆكاری بڵاوبونەوەی مێش و مەگەزو نەخۆشیەكانی مناڵان بۆ پیسبونی سەرچاوەكانی ئاووئاوەڕۆ لەو وڵاتەدا دەگەڕێنێتەوە.

ئەم مێشەی لە كاراتچی بڵاو بوەتەوە، نەك هەر هاوڵاتییان، بەڵكو حكومەتی خۆجێیی ئەو شارەش بەدەستیەوە گرفتارن.

ئەوەتا سەرۆكی ئەنجومەنی شارەوانی كاراتچی لەوبارەیەوە دەردەدڵی خۆی دەكات‌ و بەدیوێكی تریشدا دەیەوێت بابەتەكە لە پرسی تەندروستی بگۆڕێت بۆ بابەتی ژینگەیی.


ئەم شەپۆلی مێشە كە لەبەنەڕەتدا كێشەیەكی تەندروستیی و ژینگەییە، بەڵام ئێستا بوەتە بابەتێكی سیاسی لە كاراتچیی پاكستان‌و هاوڵاتیان بەدەستییەوە گرفتارن، بەدووریش نازانرێت كە بەشێك لەم كێشەیە پەیوەندی بە سیاسەتەوە هەبێت و دەسەڵاتدارانی ئەم وڵاتەش نەیانەوێت هەروا بەئاسانی چارەسەری بكەن و لەكۆڵ خەڵكی بكەنەوە، بەڵام ئاخۆ كۆمەڵگەی سیاسی هاوشێوەی ئەم ژینگەیەی ئێستا كاراتچی پیس بوبێت كە پاكستانییەكان بانگەشەی بۆ دەكەن.

1981 جار خوێندراوەتەوە