كەركوك… جیاواز لە ساڵانی ڕابردوو مەراسیمێكی فراوان بۆ یادی عاشورا ڕێكخرا (ڤیدیۆ)

09:51 - 10/09/2019
کوردستان


 هاوشێوەی شارەكانی تری عێراق، بە بەشداریی ژمارەیەكی زۆر لە هاوڵاتییانی شیعە مەزهەب, لە گەڕەكەكانی تسعین و حوزەیرانی شاری كەركوك، مەراسیمی عاشورا بەڕێوەچوو, هاوكات جگە پەیڕەوانی شیعە ژمارەیەك لە هاوڵاتییانی سونە مەزهەب بەشداریی یادەكەیان كرد.

 

 مەراسیمی عاشورا, كە بە درێژترین پرسە لە جیهاندا دادەنرێت، ساڵانە لە ڕۆژی 10ی موحەڕەمەوە دەست پێدەكات و 10 ڕۆژ دەخایەنێت, بۆ ئەمساڵیش لە شاری كەركوك, مەراسیمەكە لە ژێر چاودێرییەكی توندی هێزە ئەمنیەكان و بە بەشداری حەشدی شەعبی كرایەوە.

مەراسیمی عاشورایە لە كەركوك, درێژترین پرسەیە لە جیهاندا, هاوڵاتییانی شیعە مەزهەب، ساڵانە ئەم یادە بە لەخۆدان و گریان بەرز رادەگرن.

شیعەكانی كەركوك لە گەڕەكەكانی تسعین و حوزەیران، یادی شەهیدكردنی حوسەینی كوری عەلی كە دەكاتە كچەزای پێغەمبەری ئیسلام، دەكەنەوە، بەشێك لە سونە مەزهەبەكانیش بۆ هاتنەدی مرازیان بەشداریی دەكەن.

مەراسیمەكە لەژێر چاودێرییەكی توندی هێزە ئەمنییەكانی كەركوك و بە بەشداریی حەشدی شەعبی بەڕێوەچوو، ئەندامێكی ئەنجومەنی پارێزگای كەركوكیش بەم شێوەیە باسی لە گرنگیی مەراسیمەكە كرد.

لە ساڵی 61ی كۆچی، حوسەینی كوری عەلی بن ئەبی تالیب، خۆی و زیاتر لە حەفتا هاوەڵی لە جەنگی كەربەلا لە سەر دەستی یەزیدی كوری معاویە، كوژران‌و لەو كاتەوە تائێستا كە نزیكەی 14  سەدەیە، شیعەمەزهەبەكانی سەرانسەری جیهان، ئەم یادە دەكەنەوە‌و لە دوای روداوەكانی 16ی ئۆكتۆبەری ساڵی 2017 شەوە، یادەكانی موحەرەم لە كەركوك، فراوانتر بوون.

411 جار خوێندراوەتەوە