بەپەلە

ئەفغانستان؛ تاڵیبان داوای دانوستان لە ئەمریكا دەكات

09:28 - 13/06/2018
جیهان


سەركردەیەكی بزووتنەوەی تاڵیبان، داوا لە ئەمریكا دەكات دانوستانی راستەوخۆ بكات لەگەڵ بزووتنەوەكەی بۆ كۆتایهێنان بە ناكۆكییەكانیان لە ئەفغانستان ئەنجام بدات.

كەناڵی تەلەفزیۆنی ئەفغانستان بڵاویكردەوە، هەیبەتوڵڵا ئاخوندزادە، لە بەیاننامەیەكدا چارەسەری كێشەكانی ئەفغانستانی بەستۆتەوە بە دەرچوونی هێزەكانی ئەمریكا و هێزە داگیركارەكانی دیكە لەو وڵاتە.


لە بەیاننامەكەدا  ئاخوندزادە داوای دانوستانی لە بەرپرسانی ئەمریكا كردوە‌و ئاماژەی بەوە داوە، ئەگەر واشنتۆن دەیەوێت لە رێگەی ئاشتیانە پرسی ئەفغانستان چارەسەر بكەن، پێویستە راستەوخۆ دانوستان لەگەڵ تاڵیبان بكەن.

ئەو سەركردەیەی بزووتنەوەی تاڵیبان ئاماژەی بەوەكردووە، دەرگایان كراوەیەوە بۆ گفتوگۆو گەیشتن بە لێكتێگەیشتن كە ئامانجەكانیان بهێنێتە دی.

پێنجشەممەی رابردوو سەرۆك كۆماری ئەفغانستان، ئەشرەف غانی تاكلایەنانە ئۆپەراسیۆنەكانی دژی بزووتنەوەی تاڵیبان تا ١٩ی حوزەیران ڕاگرت، لەبەرامبەردا بزووتنەوەی تاڵیبان ئاگربەستی بۆ ماوەی سێ ڕۆژی جەژنی رەمەزان راگەیاند.

88 جار خوێندراوەتەوە