توركیا؛ بڕیارێكی نوێ لە بارەی ئۆجەلان و زیندانیانی ئیمرالیەوە جێبەجێ دەكرێت

09:17 - 13/06/2018
کوردستان


دادگای بۆرسا بڕیارێكی نوێ لە بارەی ئۆجەلان و زیندانیانی ئیمراڵیەوە دەردەكات و هەموو جۆرە سەردانێك و پەیوەندییەكی تەلەفۆنی و نوسین قەدەغە دەكات.

ئاژانسی هەواڵی میزۆپۆتامیا بڵاویكردەوە، داواكاری گشتی دادگای كۆماریی شاری بۆرسای توركیا بە بیانو‌وی دۆخی نائاسایی و بەردەوامی ئۆپەراسیۆن لە دژی پەكەكە، بڕیاریداوە بۆ ماوەی شەش مانگ هەموو جۆرە دیدار و سەردانێك بۆ زیندانی ئیمراڵی قەدەغە بكات و هەروەها بۆ ماوەی سێ مانگیش پەیوەندیی تەلەفۆنی و ناردنی نوسراو لە زیندانی ئیمراڵیەوە بۆ دەرەوە قەدەغە بكات.


بڕیارەكەش سەرجەم زیندانیانی ناو گرتوخانەی ئیمراڵی و عەبدوڵا  ئۆجەلانی سەركردەی زیندانی كراوی پەكەكە، كە لە ئێستادا لەو زیندانەدایە دەگرێتەوە.

لە بەرامبەر ئەو بڕیارەشدا پارێزەرانی ئۆجەلان ناڕەزایەتییان دەبڕیوە، بەڵام لە لایەن دادگاوە نارەزایەتییەكەیان رەتكراوەتەوە. 

260 جار خوێندراوەتەوە