زیاتر لە ١٠ پەرلەمانتاری عێراق بە تۆمەتی گەندەڵی تێوەگلاون

11:52 - 23/08/2019
عێراق

ئەنجومەنی باڵای دادوەری ئاشكرایدەكات ژمارەی ئەو پەرلەمانتارە عێراقیانەی كە هەڵگرتنی پارێزبەندی دەیان گرێتەوە 38 پەرلەمانتارەو لەوانەش 12 یان بەتۆمەتی گەندەڵی تێوەگلاون.
 
سەباح كەربولی ڕاوێژكاری پەرلەمانی عێراق ڕایدەگەیێنێت:ئەنجومەنی باڵای دادوەری ئاشكرایكردوە ژمارەی ئەو پەرلەمانتارانەی كە هەڵگرتنی پارێزبەندی دەیان گرێتەوە بەرلەجەژنی قوربان 21 كەس بوە بەڵام دواتریش ناوی 17 كەسی دیكەیان ئاشكراكردوەو بەمەش ژمارەیان بوەتە 38 پەرلەمانتار.

كەربولی وتیشی، لەوانە 12 پەرلەمانتاریان تۆمەتبارن بەئەنجامدانی گەندەڵ دارایی و ئیداریی و تەڵال زەوبەعیش كەسەر بە ڕەوتی حیكمەیە یەكێكە لەو پەرلەمانتارانەی پارێزبەندی لەسەری هەڵگیراوە تا ئەو كاتەی ئەو كێشانەی لەسەریەتی یەكلایی دەبنەوە.

كەربولی ئەوەشی ئاشكراكرد، هەڵگرتنی پارێزبەندی ئەو پەرلەمانتارانە بەگوێرەی یاسابوەو ماددەی 63 لە دەستوری عێراق ئەو دەسەڵاتەی بەسەرۆكی پەرلەمان داوە كاتێك پەرلەمانتارێك كێشەیەكی یاسایی هەیە دەتوانرێت پارێزبەندی لەسەری هەڵبگیرێت

176 جار خوێندراوەتەوە