رۆحانی: ناكرێت بەبێ‌ سودوەرگرتن لە رێككەوتننامە ئەتۆمیەكە بمێنینەوە

11:27 - 13/06/2018
جیهان

حەسەن رۆحانی سەرۆك كۆماری ئێران رایگەیاند، ناكرێت وڵاتەكەی لە رێككەوتنی ئەتۆمی ساڵی 2015 دا بمێنێتەوە، بەبێ‌ سودوەرگرتن لە بەندەكانی.

لەپەیوەندییەكی تەلەفۆنیدا لەگەڵ ئیمانوێل ماكرۆن سەرۆكی فەرەنسا، رۆحانی رایگەیاند، پێویستە لەسەر وڵاتانی ئەوروپی رێگەیەك بدۆزنەوە بۆ قەرەبوكردنەوەی ئێران ئەگەر دەیانەوێت پارێزگاری لە رێككەوتنە مێژووییەكە بكەن.

هەریەكە لە فەرەنسا ‌و بەریتانیا ‌و ئەڵمانیا ‌و روِسیا ‌و چین، كە بەشداربون لە رێككەوتنە ئەتۆمیەكەدا، دەیانەوێت لەبەرامبەر راگرتنی چالاكیە ئەتۆمیەكانیدا سزاكانی سەر كۆماری ئیسلامی ئێران هەڵبگیرێن.

بەشێك لە بەرپرسانی باڵای ئێران، لەگەڵ ئەوەدان لە حاڵەتی هەڵوەشاندنەوەی رێككەوتننامەكە، وڵاتەكەیان چالاكیە ئەتۆمیەكان دەستپێبكاتەوە.

612 جار خوێندراوەتەوە