خراپ بەكارهێنانی مۆبایل بەراورد بە ساڵی ڕابردوو ڕوو لە زیادبوونە

04:53 - 14/08/2019
کوردستان

لێكۆلەری دادی هەولێر: كۆمپانیاكانی پەیوەندیی پابەندی یاسا نەبوون
مامۆستایانی ئایینی: پێویستە سزاكان قورستر بكرێن


سەرباری هەبونی یاسایەكی تایبەت بە سزادانی ئەو كەسانەی ئامێرەكانی پەیوەندیكردن خراپ بەكار دەهێنن, بەڵام ڕۆژ لە دوای ڕۆژ و بەراورد بە ساڵی ڕابردوو لە هەرێمی كوردستان, خراپ بەكارهێنانی ئەو ئامێرانە، ڕووی لە زیادبوون كردوە.

 

لێكۆڵەرێكی دادوەریش, بەشێك لە هۆكارەكەی دەخاتە ئەستۆی كۆمپانیاكانی پەیوەندیكردن, كە پێشێلی یاسا دەكەن و بەشێوەی هەرەمەكی هێڵەكانی پەیوەندیكرد دەفرۆشن.

 

خراپ بەكارهێنانی مۆبایل و ئامێرەكانی پەیوەندی لە هەرێمی كوردستاندا بەراورد بە سالی 2018 ڕوو لەزیادبوونن.

 

بەپێی ئامارەكانی ڕێكخراوی لێكۆلەر، كە لە سەر ئەم پرسە كار دەكات, بەراورد بە ساڵی ڕابردوو كەیسەكانی خراپ بەكارهێنانی موبایل ڕوویان لەزیادبوون كردوە.

 

لێكۆلەرێكی دادوەری لە دادگای لێكۆلینەوەی هەولێریش هۆكاری زیادبوونی كەیسەكانی خراپ بەكارهێنانی موبایل بۆ كۆمپانیاكانی گەیاندن دەگەڕێنێتەوە كە پابەندی یاساكە نابن و بەشێوەیەكی هەڕەمەكی سیمكارت و هێلەكانی پەیوەندی دەفرۆشن.

 

مامۆستایانی ئایینیش باس لەوە دەكەن، ئەوان بەردەوام لە مینبەرەكانەوە هانی خەلك دەدەن كە خۆیان لەتاوان و خراپ بەكارهێنانی موبایل دور بخەنەوە , دەشلێن پێویستە سزای ناو یاساكە زیاتر بكرێت بۆ ئەوەی خەڵك سزاكەی بەلاوە ئاسایی نەبێت و تاوانەكە ئەنجام بدات.

 

یاسای ژمارە 6 سالی 2008 كە تایبەتە بە خراپ بەكارهێنانی موبایل لە پەرلەمانی كوردستان دەرچوێنراو لە 7 مادە پێكدێت , كەچی تاوەكوو ئێستا تاوانەكانی خراپ بەكارهێنانی موبایل روو لەزیادبونن.

185 جار خوێندراوەتەوە