ملیاردێرێكی بەناوبانگی ئەمریكی كۆتایی بە ژیانی خۆی هێنا

02:32 - 11/08/2019
هەمەڕەنگ

ملیاردێرەكە تۆمەتبارە بە بازرگانیی سێكسی و بەكارهێنانی منداڵ بۆ لەشفرۆشی
ئەمریكا؛ ملیاردێرەكە هاوڕێی دێرین و نزیكی دۆناڵد ترەمپە

 

ملیاردێرێكی بەناوبانگی ئەمەریكی، كە تۆمەتبارە بە بازرگانیی سێكسی و بەكارهێنانی منداڵ بۆ كاری لەشفرۆشی، لە گرتووخانە، كۆتایی بە ژیانی خۆی دەهێنێت.

میدیاكانی ئەمریكا بڵاویان كردەوە، شەوی رابردوو، جێفری ئابستین، ملیاردێری ئەمریكی، لە گرتووخانەی مانهاتنی فیدراڵی، كۆتایی بە ژیانی خۆی هێناوە، كە چاوەڕوانی پڕۆسەی دادگاییكردنی دەكرد، بە تۆمەتی بازرگانیی سێكسی و بەكارهێنانی كچانی منداڵ و هەرزەكار بۆ كاری نایاسایی.

داواكاری گشتیی فیدراڵی، پێشتر بە تۆمەتی بەكارهێنانی دەیان كچی منداڵ بۆ كاری لەشفرۆشی لە ساڵانی 2002 بۆ 2005، بڕیاری دەستگیركردنی بۆ جیفری ئابستین، دەركرد و بەپێی لێكۆڵینەوە سەرەتاییەكان ئەگەری هەبوو تۆمەتبارەكە بە 45 ساڵ زیندانی حوكم بدرێت.

هاوكات، رۆژنامەی نیویۆرك تایمزی ئەمەریكی بڵاوی كردەوە، ئابستین، هاوڕێیەكی نزیكی دۆناڵد ترەمپ، سەرۆكی ئەمەریكایە و پەیوەندییەكی هاوڕێیەتیی دێرینیان بە یەكەوە هەیە و یەكێكیشە لە هاوڕێ نزیكەكانی بێڵ كلینتۆنی سەرۆكی پێشووتری ئەمەریكا.

6894 جار خوێندراوەتەوە